افغانستان ایکینچیلیک، سوغاریش و چاروه‌چیلیک وزیرلیگی، بوگون (سه‌شنبه، ۳۰-عقرب) بیر خبرنامه ترقه‌تیب، مذکور وزیرلیک معینی صدراعظم عثمانی ییتکچیلیگی ده و افغانستان ایکینچیلیک و چاروه‌چیلیک اتاق باشلیغی خان‌محمد فروتن حضوری بیلن، اوزبیکستان گه سفر قیلگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
ایکینچیلیک وزیرلیگی نینگ خبرنامه‌سیده کیلیشیچه، اوزبیکستان جمهور باشلیغی اورین باسری و همراه هیئتی نینگ افغانستان گه سفری دن کیین، ایکینچیلیک وزیرلیگی نینگ هیئتی اوزبیکستان گه سفر قیلگن. بو سفر دن مقصد ایکی مملکت آره‌سیده ایکینچیلیک و چاروه‌چیلیک بولیمیده سرمایه یاتقیزیش و مناسبت‌لرنی مستحکم‌لش عنوان قیلینگن.
خبرنامه ده کیلیشیچه: «افغانستان اسلام امیرلیگی ایکینچیلیک، سوغاریش و چاروه‌چیلیک وزیرلیگی هیئتی اوشبو سفر دایره‌سیده، اوزبیکستان ایکینچیلیک وزیرلیگی مسئوللری بیلن اوچره‌شیب، اصلاح بولگن بوغدای اوروغی، پخته، برنج ییتیشتیریش، قطره‌ای سوغاریش نی رواجلنتیریش، باغدارچیلیک نی کینگه‌یتیریش، ایشلاوچیلر نینگ ظرفیتینی آشیریش، افغانستان نینگ قوروق ییرلری ده سرمایه یاتقیزیش و باشقه موضوع‌لرنی اوزبیکستان ایکینچیلیک وزیرلیگی مسئوللری بیلن بحث گه آلیب و همکارلیک کیلیشوولر نی امضالش‌لری کوتیله‌دی.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، نیچه کون آلدین اوزبیکستان باش وزیری نینگ اورین باسری جمشید خواجه‌یوف ییتکچیلیگی ده، اوشبو مملکت هیئتی کابل گه سفر قیلگن ایدی.
