بوگون (یکشنبه، ۷-عقرب)، ملی ترقیات شرکتی و افغان ملی بانک تامانیدن بیر برنامه یولگه قوییلیش بیلن، ایکی ییل‌دن کیین کابل نینگ دهمزنگ منطقه‌سیده، «قصر ملی افغان» نینگ قیته قوریلیش ایشی قیته باشلنگن.
اوشبو پروژه مسئوللری نینگ ایتیشلریچه، قصر ملی افغان قوریلیش ایشی نینگ ۳۷ فایزی ایکی ییل آلدین تکمیل بولگن و شونینگدیک کیله‌سی ۳ ییل‌گچه ۶۰ فایزدن آرتیق ایشی نینگ تکمیل بولیشی ممکن.
بیزلرنینگ فیسبوک صحیفه‌میزگه باش اورینگ!
ملی ترقیات شرکتی نینگ تصدی رئیسی و اوشبو قصر نینگ قوروچیسی محمدمیرویس ارغندیوال نینگ ایتیشیچه، ۱۳ قوتلی اوشبو بنا نینگ قوریلیش توپلم خره‌جتی ۲ میلیارد افغانی دیر.
جناب ارغتدیوال نینگ ایتیشیچه: «اوشبو ۱۳ قوتلی قصر نینگ ۳ قوتی تجارتی و باشقه‌لری ایسه رهایشی دیر. اون منزل ده ۴۳۰ اپارتلمان بار. اونینگ ایشی تکمیل بولگنی‌دن کیین ۳ یریم-۴ مینگ کیشی نینگ او ییرده حیات کیچیریشی ممکن. اوچ ییل‌گچه ایشی نینگ تکمیل بولیشی ممکن. اوشبو پروژه‌ده ۴ تیپ اپارتمانی‌میز بار، ۲ الی ۵ اتاقه دیر و باشقه مسجد، کلینیک، مطالعه و کافی‌شاپ هم بار.»
باشقه بیر تامان‌دن، افغان ملی بانک رئیسی و اوشبو پروژه تمویل قیلووچیسی شاکر جلالی نینگ ایتیشیچه، مذکور قصر قوریش ایشی نینگ ایکی ییل توخته‌گنی سببی، بو بناده اساسی بیر قطار اوزگریشلر ایجاد بولگنی دیر.
اونینگ کوپه‌یتیریشیچه: «بو بویوک پروژه‌لردن بیری دیر. ۱۳۸۹-ییل‌ده باشلنگن ایدی که ملی بانک و اونکس شرکتی ده اونینگ قوریش قراردادی بار ایدی، بیراق اونکس شرکتی بیلن بیر حقوقی جنجل‌لر اورته گه کیلگنی سبب، ایکی ییل توخته‌دی. بیراز آزلیگی بار ایدی، اوشبو پروژه نینگ توخته‌گنی‌‌ده اونینگ خصوصیده ایش صورت تاپدی. ان‌شاءالله ۱۴۰۵-ییل گه قدر بو پروژه تکمیل بوله‌دی.»
بیزلرنینگ «ایکس» ترماغی ده هم تعقیب قیلینگ!
مذکور برنامه گه شرکت قیلووچیلر، اوشبو پروژه ایشی قیته باشلنگنی‌دن خورسند‌لیک بیلدریب ایتیشلریچه، بو قصر ایشی تکمیل بولیشی بیلن، عایله‌لردن قطاری نینگ باش‌پنه‌سیزلیک و کرایی اوی‌لرده حیات کیچیریشدن قوتقریلیشلری ممکن.
