افغانستان یشاوچیسی جرمنی ده بیر عیال نی پیچاق‌لب یره‌لنتیرگن. دویچه وله نینگ گزارش بیریشیچه، مذکور افغانستان یشاوچیسی اوشبو مملکت نینگ فرانکفورت شهری‌ده اوکراین‌لیک بیر عیال گه پیچاق بیلن هجوم قیلیش عیبی بیلن قولگه آلینگن.
دویچه وله نینگ یازیشیچه، مذکور کیشی دوشنبه کونی ۱۰-جون، جرمنی نینگ فرانکفورت شهری «رود ماین» ساحلی‌ده پیچاق بیلن بیر عیال گه هجوم قیلیب و مذکور عیال نی جدی شکلده یره‌لنتیرگن.
بیزلرنینگ «ایکس» ترماغی ده هم تعقیب قیلینگ!
دویچه وله نینگ گزارشی اساسیده، مذکور عیال نینگ شاوقین و قیچقریشی بیلن اهالی اونگه یاردم بیریشگه بارگن و مذکور پیتده هجومچی قاچیش گه موفق بولگن؛ لیکن پولیس آرقه‌لی تانیلیب و قولگه آلینگن.
جرمنی ییتکرمه‌لری نینگ یازیشیچه، مذکور هجومچی ۱۹ یاشر و افغانستان یشاوچیسی دیر.
اوشبو هجوم نینگ سببی حاضرگچه بیللی ایمس.
عین حالده، نیچه کون آلدین هم جرمنی پولیسی اوشبو مملکت‌ده «سیاسی اسلام گه قرشی» بیر گروه نینگ مراسمی گه پیچاق بیلن هجوم قیلیب، بیر پولیس نی اولدیریش و باشقه بیش کیشی نی یره‌لنتیریش عیبی بیلن ۲۵ یاشر افغانستان‌لیک یشاوچیسی نی قولگه آلگن ایدی.
بیزلرنینگ فیسبوک صحیفه‌میزگه باش اورینگ!
جرمنی یشاوچیلری گه قاچقین‌لر نینگ هجومی، مذکور مملکت رسمی‌لری نینگ غضب‌لنیشی گه سبب بولگن. آلمان باش وزیری اولاف شولتس اوتگن پنج‌شنبه، سوریه و افغانستان مملکت‌لریدن کیلگن بولسه‌لر هم؛ اوشبو مملکت‌دن جنایتچیلر نینگ چیقریلیشی کیره‌ک دیگن ایدی.