افغان‌تور دولتی کمپنیه مسئوللری نینگ ایتیش‌لریچه، قریب ایکی ییل جریانیده، تورت مینگ‌دن آرتیق خارجی سیاح، تاریخی آبده‌لر و افغانستان نینگ طبیعی منظره‌لرینی کیلیب کورگن.
مذکور کمپنیه رئیسی محمد‌نبی بها نینگ سلام‌وطندار گه ایتیشیچه، هر هفته اینیقسه سونگی هفته‌لر‌ده، ۴۰-۷۰ سیاح تورلی مملکت‌لردن افغانستان نینگ تاریخی بولیمی‌لری نی کیلیب کوره‌دیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «سیاح‌لر گه آسایشته‌لیک ایجاد بولیش اوچون، ویزه تمدید بولیشی نی ایجاد قیله‌میز، امنیت‌لری اوچون مکتوب بیره‌میز و چیرایلی ییرلر نینگ کوریش‌لری اوچون آسایشته‌لیک ایجاد قیله‌میز.»
شونده‌ی بیرحالده، مدنیت‌چیلیک و باستان‌شناسلیک بیلرمان‌لریدن قطاری نینگ ایتیش‌لریچه، افغانستان سیاح‌لر نی جذب قیلیش اوچون یخشی بیر موقعیت گه ایگه بولگنی بیلن، بیراق اوشبو مملکت نینگ تاریخی آبده‌لری نی کوره‌دیگن‌لر سانی آز دیر.
مدنیت‌چیلیک بیلرمانی و بیلیم یورت اوقیتووچیسی تاج‌الدین تاشقین بهایی نینگ ایتیشیچه، سیاح‌لر نی جذب قیله‌دیگن ییرلر نینگ قیته توزه‌لگنی پیتده، افغانستان فرهنگ و اقتصاد تامانیدن رواجلنیشی ممکن. بیراق او افغان‌تور دولتی کمپنیه آماری گه عکس‌العمل کورستیب ایتیشیچه: «توریستی جاذبه‌لردن صحبت قیلگنی‌میز پیتده، ییل‌ده حداقل تورت یا-ده بیش میلیون خارجی افغانستان نینگ تاریخی و طبیعی منظره‌لریدن کوریشی کیره‌ک.»
بیزلرنینگ توییترده هم تعقیب قیلینگ!
شونینگدیک مدنیتچی و باستان‌شناس غلام‌حیدر کشکی نینگ ایتیشیچه: «طبیعی عامل‌لر و اوروش‌لر نتیجه‌سیده تخریب بولگن تاریخی آبده‌لر نینگ قیته توزه‌تیلیشی و اولردن حفاظت قیلینیشی کیره‌ک.»
عین حالده، افغان‌تور دولتی کمپنیه مسئوللری، ینگی‌لیکده بریتانیا‌لیک ایکی سیاح بیلن صحبت قیلیب، خارجی سیاح‌لردن آرام و راحت شکلده افغانستان گه سفر قیلیشلری و اوشبو مملکت نینگ طبیعی و تاریخی منظره‌لریدن کوریش‌لری نی ایسته‌گنلر.
