اسلام امیرلیگی طبیعی آفتلر گه قرشی کورهش ملی اداره، ۶ حملدن حاضرگچه مملکت تورلی حدودلریده کوچلی یاغینگرچیلیک، سوو تاشقینی، چقماق، ییر سیلجیشی و یشش اویلر قولشی نتیجهسیده ۱۵۷ کیشی اولگنینی بیلدیردی.
اوشبو اداره سوزلاوچیسی یوسف حماد، بوگون (۲۰ حمل/۹ اپریل، پنجشنبه) اوشبو طبیعی واقعهلر نتیجهسیده ۲۲۹ کیشی یرهلگنینی ایتگن.
حماد گه کوره، اوشبو مدت دوامیده ۶ مینگ ۸۶۵ یشش اوی بوتونلی و قسمی شکلده بوزیلگن.
کوچلی یاغینگرچیلیک و سوو تاشقینلریده، ۱۸ مینگ ۴۰۰ جریب ایکینچیلیک ییر بوزیلیب و یوق بولگن دییدی، طبیعی آفتلر گه قرشی کورهش ملی اداره سوزلاوچیسی یوسف حماد.
شونینگدیک او، فقط اوتگن بیر کیچه-کوندوز ایچیده بعضی ولایتلرده ۹ کیشی اولگن، ۱۳ کیشی یرهلنیب و بیر کیشی یوقالگنینی قوشیمچه قیلگن.
اوشبو اداره، یشاوچیلردن یاغینگرچیلیک پیتیده دریالر و سوو تاشقینی یوز بیرهدیگن حدودلر گه یقینلشمهی و هواشناسلیک ریاستی هشدارلریگه دقت قیلیشلرینی سورهگن.
