افغانستان بیلن سوداگرلیک علاقهلر کوچهیشی مقصد، بوگون (۲۲-ثور، دوشنبه)، بلخ ده اوزبیکستان تامانیدن «قوشمه سودا اتاقی» اسمی آستیده سوداگرلیک توارلرنینگ دایمی کورگزمهسی آچیلگن.
اوزبیکستان سوداگرلر اویوشمهسی باشلیغی یارقین ملکوف، ۱۰۰ ته اوزبیک سوداگر بیلن بیرگه بلخ گه باریب و بو بازارنینگ آچیلیش مراسمیده ایتیشیچه، مذکور قوشمه اتاق اوزبیکستان محصولاتیگه بازار تاپیش و ایکی تامانلمه سودا-ساتیق کوپهیشی مقصد، آچیلگن.
بیزلرنینگ فیسبوک صحیفهمیزگه باش اورینگ!
ملکوفنینگ کوپهیتیریشیچه، قوشمه سودا اتاقیده دارو، آزیق-آوقت و الکترونیکی اوسکونهلر بولیملریده، اوزبیکستان ده ایشلب چیقریلگن توارلر نمایشگه قوییلهدی.
بلخ سودا و سرمایه یاتقیزیش اتاق باشلیغی اسدالله اسدینینگ ایتیشیچه، اوزبیکستانلیک سوداگرلر سوداگرلیک امکانیتلری تیکشیریلیشی، صادرات و واردات آسایشتهلیگی و ایکی تامانلمه تجارتدهگی قیینچیلیکلر حلی توغریسیده مناسب حل یوللرنی تاپیش مقصد، افغانستان گه کیلگنلر.
بیزلرنینگ «ایکس» ترماغی ده هم تعقیب قیلینگ!
ویزه بیریلیشی بولیمیده قولیلیک یرهتیلیشی، تجارتی بندرلرده سالیق کمهیشی و سرمایه یاتقیزیلیش اوچون یخشیراق امکانیتلر یرهتیلیشی، اوزبیکستان دن افغانستانلیک سوداگرلرنینگ اینگ اونملی ایستهکلریدن دیر.
بوندن آلدین، افغانستان-قزاقستان قوشمه سودا اتاقی مذکور ایکی مملکت آرهسیده تجارت رواجلنیشی و کوچهیشی مقصد، هرات ده آچیلگن دیر.
