افغانستان فوتبال ملی تیرمه جماعه‌سی ۲۰۲۶-ییل خلق‌ارا کپی مقدماتی ایکینچی باسقیچی و ۲۰۲۷-ییل آسیا ملتلر کپی قیتیش اویینیده، اېنگ مهم مسابقه‌لردن بیریده کویت بیلن قرشی لشه‌دی.
افغانستان فوتبال ملی تیرمه جماعه‌سی فیسبوک صحیفه‌سیده، اوشبو مسابقه بوکیچه (۲۲-جوزا، سه‌شنبه) کابل وقتی بیلن ساعت ۸:۱۵ اطرافی ده بولیب اۉتیشینی یازگن. بو بیلشوو کویت میزبان‌لیگی بیلن «صباح السالم» سپورت میدانیده بولیب اوتیشی ریجه‌لشتیریلگن.
بیزلرنینگ فیسبوک صحیفه‌میزگه باش اورینگ!
افغانستان آسیا قهرمانی قطر بیلن مساوی قیلگنیدن سۉنگ بو کیچه ۲۰۲۶-ییل خلق‌ارا کپی مقدماتی ایکینچی باسقیچی و ۲۰۲۷-ییل آسیا ملتلر کپی سۉنگی اویینیده کویت بیلن قرشی لشه‌دی. اوشبو اویین همده قطر و هندوستان تیرمه جماعه‌لری نینگ اویینیده، قطر دن کېین قیسی جماعه کېینگی باسقیچ گه یول تاپیشی انیقلنه‌دی.
افغانستان بو کیچه «آق کییم و کویت اېسه ماوی کییم» بیلن اوینه‌یدیلر. بیرینچی گروه نینگ جدولی ده قطر جماعه‌سی بیش مسابقه دن ۱۳ امتیاز آلیب و کېینگی باسقیچ گه یول تاپیشینی قطعی قیلگن. هندوستان بیش امتیاز بیلن ایکّینچی، افغانستان هم بیش امتیاز بیلن اوچینچی و کویت تورت امتیاز بیلن تورتینچی اۉرینده قرار تاپگنلر.
بیزلرنینگ «ایکس» ترماغی ده هم تعقیب قیلینگ!
هندوستان تیرمه جماعه‌سی قطر قرشی‌سیده امتیاز قولدن بیریب و افغانستان-کویت گه غلبه قازانگن حالده کېینگی باسقیچ گه یول تاپه‌دی، هندوستان مغلوب بولیب و افغانستان مساوی قیلگن تقدیرده هم مملکت فوتبال ملی تیرمه جماعه‌سی صعود قیله‌دی.
