خلق‌ارا تنیق‌لیک تشکیلاتی نینگ اعلام قیلیشیچه، افغانستان دنیا بوییچه ۱۲- فاسد مملکت دیر.
مذکور تشکیلات بوگون (پنجشنبه ۹- دلو) افغانستان شامل ۱۷۹ مملکتده فساد توغریسیده ییل‌لیک گزارشی نینگ نشر قیلگن. مذکور گزارش ده کیلیشیچه، افغانستان میلادی ۲۰۲۰- ییل جریانیده ۱۰۰ دن ۱۹ امتیاز قولگه کیلتیریش بیلن ۱۶۵- ییرگه قرار تاپگن.
مذکور گزارش اساسیده، افغانستان، هایتی، کانگو، شمالی کوریا، لیبیا، گینه، سودان، ونزویلا، یمن، سوریه، جنوبی سودان و سومالی مملکت‌لریدن کیین دنیا نینگ اینگ فاسد مملکتی تانیلگن.
خلق‌ارا تنیق‌لیک تشکیلاتی نینگ ییل‌لیک گزارشی ده اورغولنیشیچه، افغانستان میلادی ۲۰۱۲- ییل دن بویان فساد گه قرشی کوره‌ش گه ۱۱ امتیاز قولگه کیلتیرگن. مذکور تشکیلات نینگ ایتیشیچه، افغانستان فساد گه قرشی کوره‌ش گه یخشی یوتوققه ایریشگن مملکت‌لردن بیری دیر.
افغانستان میلادی ۲۰۱۹- ییل ده ۱۶ امتیاز بیلن ۱۷۳- اورین گه قرار تاپگن ایدی. شونینگدیک میلادی ۲۰۱۸- ییل ده ۱۰۰ دن ۱۶ امتیاز و میلادی ۲۰۱۷- ییل ده ۱۵ امتیاز قولگه کیریتگن ایدی.
خلق‌ارا تنیق‌لیک تشکیلاتی غیر دولتی بیر تشکیلات دیر کیم میلادی ۱۹۹۳- ییل گه ایجاد بولگن و اونینگ اصلی دفتری آلمان پایتختی برلین شهریده قرار تاپگن. مذکور تشکیلات کمیده ۱۰۰ مملکت گه فعالیت قیله‌دی کیم اونینگ هدفی فساد گه قرشی کوره‌ش و بو توغریده معلومات ترقه‌تیش دیر.
