بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، ینگیلیکده بیر گزارش ترقهتیب آگاهلنتیریشیچه، افغانستان حاضرگچه بالهلردن کوپ قطاری واکسین بولمهگن یا-ده (Zero-dose)، ۲۰ مملکت قطاریگه کیرهدی.
اوشبو نهادنینگ گزارشیده کیلیشیچه، حاضرگچه افغانستان ده بالهلردن ۱۶.۲ فایزی واکسین بولگن؛ بیراق ینه هم بو مملکتده مینگلرچه باله واکسین بولمهگن.
بو گزارشنینگ بیر بولیمیده کیلیشیچه: «افغانستان هنوز اینگ کوپ واکسین بولمهگن بالهلر سانیگه ایگه بولگن ۲۰ مملکت قطاری گه کیرهدی. حاضرده فقط ۱۶.۲ فایز بالهلر تولیق ایملنگن؛ یالغیز افغانستاننینگ اوزیده تخمینلر گه کوره، میلادی ۲۰۲۱-ییلدن ۲۰۳۰ ییلگچه ایملشلر، ۴.۹ میلیوندن ۵.۴ میلیون کیشینینگ اولیمی آلدینی آلگن.»
بیزلرنینگ فیسبوک صحیفهمیزگه باش اورینگ!
بو گزارشده افغانستاننینگ بیر قطار بولیملریدهگی طبی خادملریدن نقل بولیب کیلیشیچه، بالهلرنینگ واکسین بولیشی اهمیتیدن عایلهلر آگاهیسیزلیگی، ساغلیقنی سقلش مرکزلری اوزاقلیگی، واکسین زمانی حقیده آگاهیسیزلیک و بعضا ایسه ناتوغری ایشانچلر، بالهلرنینگ ضرور واکسینلردن اوزاق قالیشیگه سبب بولگن قیینچیلیکلردن بیر بولیمی دیر.
شوندهی بیرحالده، مملکتنینگ اوزاق بولیملریده حیات کیچیرهدیگن یشاوچیلردن قطارینینگ ایتیشلریچه، بعضا ساغلیق خذمت کورستیلهدیگن مرکزلرنینگ اوزاقلیگی، واکسین اهمیتیدن آگاهیسیزلیک و ناتوغری ایشانچلر، بالهلرنینگ ضرور واکسینلرگه قول تاپه آلمسلیگیگه سبب بولهدی.
غزنی ولایتی قرهباغ تومنی یشاوچیسی نازنیننینگ بو توغریده ایتیشیچه: «اطرافلرده، اهالی اونچهلیک واکسین گه قیزیقمهیدی. امکانیتلر جودهیم آز دیر. کلینیکلر هم اوزاق دیر. عایلهلردن کوپ قطاری واکسین فایدهسینی بیلهدی؛ بیراق اهالیلردن قطاری ایسه اونچهلیک واکسین گه اهمیت بیرمهیدی، حتا اوشه واکسین کارتینی هم ایتیرهدیلر.»
بیزلرنینگ «ایکس» ترماغی ده هم تعقیب قیلینگ!
شونینگدیک بدخشان ولایتی کوشان تومنی یشاوچیسی وثیقاللهنینگ ایتیشیچه: «منطقهمیزده بیرته کلینیک بار، چقهلاغیمیزنی آلیب بارهمیز و واکسین کارتینی بیرهدیلر، یول اوزاقلیگی اوچون دایم باره آلمهیمیز. پولیو بولیمی واکسیناتورلری یخشی که اویمه-اوی یوریدیلر. شونینگدیک یشاوچیلردن قطاری واکسیننینگ ضرری بار دیهدیلر؛ بیراق بیزلر ضررینی کورگنیمیز یوق.»
شونینگدیک بو توغریده ساغلیقنی سقلش وزیرلیگینینگ فکرینی آلیش اوچون سعیوحرکت قیلدیک؛ بیراق مذکور وزیرلیک یونیسف آرقهلی ارائه بولگن رقملر و خواطرلرنینگ توغری یا-ده ناتوغری بولگنی حقیده هیچ نرسه دیمهگن.
بولرگه علاوه، اسلام امیرلیگی احصائیه و معلومات ملی ادارهسی آرقهلی ارائه بولگن رقملرگه کوره، حاضر ایسه افغانستان جمعیتیدن ۳ میلیون ۲۸ مینگ ۲۴۷ تهسینی تازه توغیلگن چقهلاقدن ۵ یاشرگچه بولگن بالهلر تشکیل بیرهدی؛ لیکن یونیسفنینگ ایتیشیچه، بو قطار بالهلردن، یالغیز ۱۶.۲ فایزی بوتونلی شکلده واکسین بولگنلر.
