اسلام امیرلیگی ایکینچیلیک، سوغاریش و چاروهچیلیک وزیرلیگی، اوشبو قویاش ییلده بیر میلیون ۳۲۲ مینگ متریک تُن تروز (تربوز) یېتیشتیریلگنیدن خبر بیرگن.
اوشبو وزیرلیک، ۲۷-میزان، یکشنبه کونی بیر بیانیه ترقهتیب، اوشبو ییلده ۷۸ مینگ ۸۰۸ هکتار ییرده تروز ایکیلگنینی بیلدیرگن.
ایکینچیلیک، سوغاریش و چاروهچیلیک وزیرلیگی، بو ییل تروز اېنگ کوپ فراه، بلخ، هرات و بادغیس ولایتلریده ایکیلگنینی قوشیمچه قیلگن.
اوشبو وزیرلیکنینگ ایتیشیچه، تروز اوزومدن سۉنگ مملکتده اېنگ کوپ یېتیشتیریلهدیگن میوه حسابلنهدی.
تروز، یخشی حاصل بیریشی سببلی، افغانستاننینگ مهم ایکینچیلیک محصولاتلریدن بیری حسابلنهدی؛ بیراق دهقانلر هردایم بازاردهگی نرخ و یېترلی سودا امکانیتلرینینگ یوقلیگیدن شکایت قیلهدیلر.
