افغانستان بویوکلر فوتسال ملی تیرمه جماعهسی اسلامی مملکتلر بیردملیک اوینلری دایرهسیده ایکینچی اویینیده ایران برابریده مساوی گه تن بیردی.
اوشبو بیللشوو، ۱۵-عقرب، پنجشنبه کونی سعودی عربستان میزبانلیگی بیلن ریاض شهریده اۉتکزیلدی و نتیجهده افغانستان ۲-۲ حسابی بیلن مساوی گه تن بیردی.
افغانستان بو مساوی بیلن تورت امتیازلی بولیب و مراکش گه نسبتن گل فرقی بیلن ایکینچی گروهنینگ ایکینچی اورنیده تورگن.
بو گروهده، مراکش هم تاجیکستان گه غلبه قازانیب و تورت امتیازلی بولگن.
افغانستان کېلهسی شنبه کونی (۱۷-عقرب) مراکش بیلن بیللشهدی و بو مسابقهده غلبه قازانگن حالده کېینگی باسقیچ گه یول تاپهدی. اگر افغانستان فوتسال ملی تیرمه جماعهسی مراکش بیلن مساوی قیلیب و ایران هم تاجیکستان برابریده مساوی گه تن بیرحالده، ېنه هم افغانستان و مراکش کېینگی باسقیچ گه یول تاپیب ایران و تاجیکستان حذف بولهدی.
افغانستان اوشبو مسابقهلرنینگ بیرینچی اویینیده تاجیکستاننی ۹-۵ حسابی بیلن مغلوب قیلگن اېدی.
بو رقابتلرده سکیز جماعه جملهدن سعودی عربستان، اۉزبېکستان، لیبیا، آذربایجان، ایران، افغانستان، تاجیکستان و مراکش اشتراک اېتیب و ایکی گروهده بیر-بیریگه قرشی بیللشماقده.
اوشبو فوتسال بیللشوولری رسمی طرزده، ۱۳-دن ۳۰-عقرب گه قدر ریاض شهریده دوام تاپیشی کوتیلهدی.
