افغانستان فوتسال ملی تیرمه جماعهسی اسلامی مملکتلر بیردملیک اوینلری دایرهسی اوچینچی اویینیده مراکش برابریده مغلوبیت گه تن بیردی.
اوشبو بیللشوو، ۱۷-عقرب، شنبه کونی سعودی عربستان میزبانلیگی بیلن ریاض شهریده اۉتکزیلدی و نتیجهده افغانستان ۰-۴ حسابی بیلن مراکش فوتسال ملی تیرمه جماعهسی گه بای بیردی.
افغانستان تورت امتیازلی بولیب و کېینگی حذفی باسقیچ گه یول تاپیشی اوچون ایران ملی فوتسال جماعهسی تاجیکستان برابریده مساوی یا کی بای بیریشی کېرهک.
اوشبو گروهده مراکش ۶ امتیازلی بولیب و کېینگی باسقیچ گه یول تاپدی و افغانستاننینگ یول تاپیش امکانیتی حلی هم بار.
مملکت فوتسال اویینچیلری، بو مسابقهنینگ بیرینچی اویینیده تاجیکستاننی ۹-۵ حسابی بیلن مغلوب قیلیب و ایکینچی اویینیده هم ایران برابریده ۲-۲ حسابی بیلن مساوی گه تن بیردی.
بو رقابتلرده سکیز جماعه جملهدن سعودی عربستان، اۉزبېکستان، لیبیا، آذربایجان، ایران، افغانستان، تاجیکستان و مراکش اشتراک اېتیب و ایکی گروهده بیر-بیریگه قرشی بیللشماقده.
اوشبو فوتسال بیللشوولری رسمی طرزده، ۱۳-دن ۳۰-عقرب گه قدر ریاض شهریده دوام تاپیشی کوتیلهدی.
