اسلام‌آباد ده افغانستان ایلچی‌خانه‌سی نینگ اعلام قیلیشیچه، پاکستان ده‌گی افغانستانلیک مهاجر و مسافر یشاوچی‌لر نینگ کلتک‌لش و قماققه آلیش، کوپ قیغولی دیر و ایکی مملکت رابطه‌سی اوچون یخشی نتیجه‌سی یوق.
مذکور ایلچی‌خانه پنج‌شنبه کونی ۸-جدی بیر تویت آرقه‌لی، پاکستان رسمی‌لری و اداره‌لری نینگ سوزلری گه قرشی، حاضرگچه باله‌لر و عیاللر شامل اونلب افغانستانلیک یشاوچی پاکستان اینیقسه اوشبو مملکت نینگ سند ایالتی‌ده‌گی قماق‌خانه‌لریدن قوییب یوباریلمه‌گنی نی بیان قیلگن.
بیزلرنینگ فیسبوک صحیفه‌میزگه باش اورینگ!
اسلام‌آباد ده افغانستان ایلچی‌خانه‌سی، پاکستان‌لیک رسمی‌لردن تیزلیککه عیاللر، باله‌لر، کیکسه‌لر و کسل کیشی‌لر شامل افغانستان یشاوچیلری نی اوشبو مملکت قماق‌خانه‌لریدن قوییب یوباریب و بو پروسه نینگ یکونلنتیریش‌لری نی ایسته‌گن.
شونده‌ی بیرحالده، پاکستان انسان حق‌لری ملی کمیسیونی اوشبو مملکت‌ده‌گی افغان مهاجرلر وضعیتی‌دن خواطر بیلدیریب و ایتیشیچه، ۳۰۰دن آرتیق افغانستانلیک مهاجر عیال و باله (۱۳۹ عیال و ۱۶۵ باله) قانونی سند‌لری یوق‌لیگی سبب، پاکستان نینگ کراچی شهری‌ده حبس‌گه آلینگنلر.
افغانستانلیک مهاجرلردن ۳۰۰ دن آرتیغی شونده‌ی بیرحالده پاکستان قماقخانه‌لریده حبس گه آلینگنلر که، بوندن آلدین اوشبو مملکت دولتی ناقانونی مهاجرلر گه مذکور مملکت نی ترک ایتیش اوچون ۳۱ دیسمبرگچه وقت بیرگن ایدی.
پاکستان انسان حقوقی ملی کمیسیونی نینگ گزارشی‌‌ده کیلیشیچه: «افغانستانلیک مهاجرلر وضعیتی‌دن خواطرده‌میز. پاکستان گه بارگن ۱۳۹ عیال و شونینگدیک ۱۸ یاش‌دن قویی بولگن ۱۶۵ باله، قانونی سند‌لری یوق‌لیگی باعث، قولگه آلینیب و کراچی شهری‌ده گی قماق‌خانه‌لر‌ده سقلنه‌دیلر.»
باشقه بیر تامان‌دن، بیرلشگن ملت‌لر تشکیلاتی‌ده افغانستان دایمی نماینده سرپرستی نصیر‌احمد فایق، پاکستان ده‌گی افغان مهاجرلر وضعیتی گه تیزلیککه توجه بولینیشی نی ایسته‌گن.
شونده‌ی بیرحالده، مهاجر وزیرلیگی نینگ ایتیشیچه، پاکستان ده افغان مهاجر قیین‌چیلیگی نینگ حل بولیشی اوچون تیزلیککه قوشمه بیر کمیته نینگ توزه‌تیلیشی ممکن.
بیزلرنینگ توییترده هم تعقیب قیلینگ!
مهاجرلر وزیرلیگی سوزلاوچیسی عبدالمطلب حقانی نینگ ایتیشیچه: «مهاجرلر قیین‌چیلیگی نینگ حل بولینیشی اوچون، سعی و حرکت قیلماق‌ده‌میز و مهاجرلر قیین‌چیلیگی نینگ حل بولیشی اوچون تیزلیککه بیر کمیته ایجاد بولیشی ممکن.»
مذکور وزیرلیک نینگ آماری اساسیده، حاضر ایسه ۳ میلیون‌دن آرتیق افغانستانلیک مهاجر پاکستان ده حیات کیچیرماقده که، بعضی حالت‌لرده روانی و فیزیکی زوره‌وانلیک‌لر بیلن روپه‌ره‌لر.
