افغانستان‌نینگ اۉزبېکستان‌ده‌گی سوداگرلری و سرمایه یاتقیزووچیلری، اسلام امیرلیگی باش وزیری‌نینگ اقتصادی اورین باسری ملا عبدالغنی برادر بیلن اوچره‌شووده، مملکت‌ده ۱۰۰ میلیون دالرگچه سرمایه یاتقیزیش گه تیارگرلیک کورستگنلر.
اسلام امیرلیگی باش وزیری‌نینگ اقتصادی اورین باسرلیگی، بوگون (۵-حوت، یکشنبه) ایکس صحیفه‌سیده بیر بیانیه ترقه‌تیب، ملا عبدالغنی برادر اۉزبېکستان گه قیلگن سفری دایره‌سیده افغانستان‌نینگ اۉزبېکستان‌ده‌گی بیرقطار سوداگرلری و سرمایه یاتقیزووچیلری بیلن اوچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده، برادر جنابلری مذکور سوداگرلر و سرمایه یاتقیزووچیلردن، افغانستان ترقیاتی و یشاوچیلری گه ایش امکانیت‌لری یره‌تیلیشی اوچون سرمایه‌لرینی افغانستان گه انتقال بیریش‌لرینی اېسته‌گن.
اسلام امیرلیگی باش وزیری‌نینگ اقتصادی اورین باسری بیلن اوچره‌شگن اوشبو سوداگرلر و سرمایه یاتقیزووچیلر، افغانستان و اۉزبېکستان اورته‌سیده سیاسی و اقتصادی مناسبت‌لر کېنگه‌یتیریلیش اوچون آلیب باریله‌یاتگن سعی-حرکتلرنی قۉللب-قوتلب و افغانستان‌ده ۱۰ دن ۱۰۰ میلیون دالرگچه سرمایه یاتقیزیش وعده‌سینی بیرگنلر.
اوتگن کون، اسلام امیرلیگی باش وزیری‌نینگ اقتصادی اورین باسری عبدالغنی برادر یېتکچیلیگی‌ده یوقاری مرتبه‌لی بیر هیئت، اۉزبېکستان گه سفر قیلگن.
بیزلرنینگ «ایکس» ترماغی ده هم تعقیب قیلینگ!
اوشبو سفرده برادر جنابلرینی کانلر و پترولیم وزیرلیگی سرپرستی هدایت‌الله بدری، ترانسپورت و هوا یوللری وزیرلیگی سرپرستی حمیدالله آخوندزاده، صناعت و سودا وزیرلیگی سرپرستی نورالدین عزیزی، ایکینچیلیک، سوغاریش و چاروه‌چیلیک وزیرلیگی سرپرستی عطاءالله عمری، مرکزی بانک عمومی باشلیغی نوراحمد آقای، مالیه وزیرلیگی‌نینگ باجخانه‌لر و درآمد ایشلری بوییچه اورین باسری عبدالمتین سعید، و باشقه بیرقطار اداره‌لرنینگ مسئوللری همراه‌لیک قیلگنلر.
