افغانستان سودا و سرمایه یاتقیزیش اتاقینینگ ایتیشیچه، پاکستان سودا و صناعت اتاقی بیلن آنلاین ییغین اوتکزگنلر.
بو نهاد، اوتگن کون (۱۴-جدی، یکشنبه)، فیسبوک صحیفهسیده بیر بیانیه آرقهلی یازیشیچه، مذکور ییغین پاکستان بیلن سودا یوللری آچیلیشی، تخصصی کمیته آچیلیشی و افغانستان بیلن پاکستان آرهسیدهگی سودا قیینچیلیکلری حلی اوچون اوتکزیلگن.
افغانستان سودا و سرمایه یاتقیزیش اتاقینینگ کوپهیتیریشیچه، بو ییغینده قیینچیلیکلر حلی اوچون ۱۲ کیشیلیک قوشمه بیر کمیته آچیلیشی، توختهتیلگن یوکلرنی انتقال بیریشنی قندهی باشلش و بو کبی واقعهلر تکرارلنیشی آلدی آلینیشی حقیده قرار آلیش توغریسیده کیلیشیلگن. «افغانستان سودا و سرمایه یاتقیزیش اتاقی ایتگن که پاکستان دولتی بو مملکت سودا و صناعت اتاقیگه بندرلر آچیلیشی صلاحیتینی بیرگنی صورتده، افغانستان تامان هم اونینگ آچیلیشیگه تیار دیر.»
پاکستان سودا و سرمایه یاتقیزیش اتاقی، بو ییغینده چیگره او تامانیده توختهتیلگن افغانستان توارلری یوکلنگن کامیونلرنینگ پاکستان گه اوتیشی اوچون رخصت بیریلیشینی قبول قیلگن.
بیانیه اساسیده، افغانستان و پاکستان سودا اتاقلری اعضاسی، ایکی اتاق هیئتلری کیینگی ییغینینینگ ننگرهار مرکزی جلالآباد شهریده کیلهسی هفته تجاری یوللر آچیلیشی توغریسیده اوتکزیلیشیگه کیلیشگنلر.
افغانستان و پاکستاننینگ سودا علاقهلری جاری ییل میزان آییده، اسلام امیرلیگی و اوشبو مملکت آرهسیدهگی حرفی کیسکینلیکلردن کیین توختهتیلگن.
بوندن آلدین اسلام امیرلیگی مالیه وزیرلیگی، پاکستان بیلن سودا مناسبتلری کیسیلگنینینگ افغانستان سودا جریانیگه سلبی تاثیر قویمهگنینی معلوم قیلگن ایدی.
