افغانستان اسلام امیرلیگینینگ تاشکینتدهگی ایلچیسی عبدالغفار بحر، افغانستان و اوزبیکستان علمالری قوشمه کنفرانسیده، ایکی مملکت اورتهسیده بیلیم و فقهی همکارلیک کوچهلیشیگه تأکید لهدی.
تاشکینتده افغانستان ایلچیخانهسی، بوگون (۲۷ دلو/۱۶ فبروری، دوشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، اوشبو کنفرانس «امام برهانالدین مرغینانی علمی میراثینینگ زمانهوی اسلام تفکریدهگی اورنی» آتیده، اوزبیکستان خلقارا اسلام اکادمیهسی میزبانلیگی بیلن اوتکزیلگن.
اوشبو کنفرانسده بحر جنابلری، افغانستان و اوزبیکستان اورتهسیده بیلیم و فقهی قوشمه میراث اهمیتیگه تأکیدلب ایتیشیچه، بوندهی اوچرهشوولر نهفقط فکری و دینی علاقهلرنی مستحکملش، بلکی سیاسی ایشانچنی کوچهیتیریش همده ایکی تامانلمه مناسبتلرنی ینهده مستحکملشده مهم رول اوینشینی ایتگن.
اونینگ فکریچه، علمی و اکادمیک همکارلیکلرنی کینگهیتیریش، افغانستان و اوزبیکستان اورتهسیده اوز ارا انگلهشو، منطقهوی برقرارلیک و همکارلیکنی ینهده مستحکملهیدی.
مذکور کنفرانس، اوزبیکستان خلقارا اسلام اکادمیهسیده، تاشکینت شهریده ایکی مملکت علمالری و تدقیقاتچیلر اشتراکیده بولیب اوتگن.
