افغانستان سرپرست حکومتی صناعت و سوداگرلیک وزیرلیگی، اوتگن کون (پنج‌شنبه، ۲۵-اسد)، اوز اکس صحیفه‌سیده افغانستان و اوزبیکستان هیئت‌لری آره‌سیده ایکی تامانلمه ییغین اوتکزیلیشی‌دن خبر بیرگن.
صناعت و سوداگرلیک وزیرلیگی نینگ یازیشیچه، مذکور ییغین اوشبو وزیرلیک سرپرستی نورالدین عزیزی و اوزبیکستان صناعت و سوداگرلیک وزیری لزیز قدرتوف آره‌سیده اوتکزیلگن.
بیزلرنینگ «ایکس» ترماغی ده هم تعقیب قیلینگ!
اوشبو ییغین‌ده ایکی مملکت نینگ بیللی صادراتی توارلری خصوصیده ترجیحی تعرفه، ترمز خلق‌ارا سودا مرکزی‌ده سرمایه یاتقیزیش، ایکی مملکت توپراغی‌ده تجاری اوی‌لر نینگ ایجاد بولینیشی، افغانستان-اوزبیکستان-قزاقستان، افغانستان-اوزبیکستان-پاکستان و افغانستان-اوزبیکستان-ایران آره‌سیده اوچ تامانلمه ترانزیتی شرطنامه‌لر همده اقتصادی کمیسیون و تخنیکی فرعی کمیته‌لر ایجاد بولینیشی خصوصیده بحث و صحبت بولگن.
سرپرست حکومت صناعت و سوداگرلیک وزیرلیگی نینگ ایتیشیچه، اوشبو «تخنیکی و مذاکراتی» ییغین‌لر نینگ دوام قیلیشی ممکن.
بیزلرنینگ فیسبوک صحیفه‌میزگه باش اورینگ!
اوتگن کون صناعت و سوداگرلیک وزیرلیگی مسئوللری نینگ ایتیشلریچه، آذربایجان اقتصاد وزیرلیگی اورین‌باسری رهبرلیگی‌‌ده مذکور مملکت‌دن بیر هیئت و شونینگدیک اوزبیکستان صناعت و سوداگرلیک وزیری رهبرلیگی‌‌ده بو مملکت‌دن بیر هیئت اسلام امیرلیگی نینگ رسمی دعوتی گه بنا افغانستان، آذربایجان و اوزبیکستان نینگ اوچ تامانلمه ییغینی گه شرکت قیلیش اوچون کابل کیلگنلر.
صناعت و سوداگرلیک وزیرلیگی سرپرستی، کابل ده اوتکزیله‌دیگن اوچ تامانلمه ییغین‌ده، تورلی‌خیل اقتصادی مسئله‌لر جمله‌دن «لاجورد یولی» فعال بولینیشی کبی ترانیتی موضوع‌لر خصوصیده صحبت قیلینیشی ممکن دیگن.
