کابل ده مخدره ماده گه چلینگن کیشی‌لردن قطاری، هوا نینگ ساووق بولیشی خصوصیده خواطر بیلدیریب و ایتیش‌لریچه، هر ییل قیش موسومیده مخدره ماده گه چلینگن کیشی‌لردن اونلرچه‌سی سرک‌لرده هلاک بوله‌دی.
اولر نینگ ایتیش‌لریچه، درمان بولیش پروسه‌سی نی اوتکزگنلریدن کیین، اقتصادی قیین‌چیلیک‌لردن اوزاق بولیش اوچون ینه مخدره ماده گه چلینه‌دیلر.
شونده‌ی بیرحالده، کابل شهری یشاوچیسی بولمیش جمیل نینگ ایتیشیچه، درمان بولگنیدن کیین عایله خره‌جتی نی تامین‌لش گه قادر بولمه‌گنی پیتده، ینه مخدره ماده گه یوز کیلتیرگن.
او، ایسیق کییم کیمه‌گنی بیرحالده کوپه‌یتیریشیچه، کیچه‌لر سرک‌لر یانیده تاش‌لر اوستیده یاته‌دی که قیش موسومی ییتیب کیلیشی بیلن بو حالت اونی کوپراق قورقیتگن.
بیزلرنینگ فیسبوک صحیفه‌میزگه باش اورینگ!
جمیل گه کوره: «عایله‌ده تورت کیشی ایدیک و اقتصادی قیین‌چیلیک‌لردن جوده‌یم رنج ایلته‌ر ایدیم و باشقه عایله‌م نینگ آچلیگی نی تحمل قیله آلمه‌دیم و مخدره ماده گه یوز کیلتیردیم. کیله‌سی قیش موسومی اوچون کوپ خواطرده‌مین.»
کابل شهری نینگ سرک‌لریده‌گی معتاد‌لردن باشقه بیری غلام‌مصطفی نینگ ایتیشچه، مخدره ماده گه چلینگنی سبب، عایله‌سی اوی‌دن چیقرگن دیر که حاضر ایسه هوا نینگ ساووق‌لیگی اوچون کیچه و کوندوز نی قیین بیر شکلده اوتکزه‌دی.
او نیچه مرته مخدره ماده نی ترک قیلیش اوچون درمان بولیش مرکزلر گه بارگن بیراق نادارلیک و قیین‌چیلیک‌لر سبب، قیته مخدره ماده گه یوز کیلتیره‌دی.
اونینگ کوپه‌یتیریشیچه: «نیچه مرته مخدره ماده مرکزی گه باردیم؛ بیراق ایش‌سیرلیک و نادارلیک سبب قیته مخدره ماده گه یوز کیلتیردیم.»
معتادلر مخدره ماده نینگ قوییبیریش‌دن کیین خذمت‌لر گه قول تاپه آلمه‌یش سبب، ینه مخدره ماده گه چلینه‌دیلر. اولر ایش‌سیزلیک نی مخدره ماده گه چلینیش عاملی عنوان قیلگنلر.
بیزلرنینگ توییترده هم تعقیب قیلینگ!
شونده‌ی بیرحالده، ایش و اجتماعی ایشلر ریاست رئیسی شرف‌الدین شرف نینگ ایتیشیچه، درمان بولگن معتادلر اوچون، اوشبو وزیرلیک ایش زمینه‌لری نی فراهم قیلگن دیر.
جناب شرف نینگ کوپه‌یتیریشیچه: «ایچکی ایشلر وزیرلیگی تامانیدن بیر معتاد قولگه آلینگنیدن کیین، ساغلیق وزیرلیگی آرقه‌لی درمان بوله‌دی و ایش و اجتماعی ایشلر وزیرلیگی گه تانیتیله‌دی که اوندن کیین، اولر گه حرفه‌لی ایش زمینه‌سی فراهم بوله‌دی.»
عین حالده، ساغلیق نی سقلش وزیرلیگی نینگ آماری اساسیده، اوتگن بیر ییل‌ده افغانستان بوییلب ۲۶ مینگ معتاد، اعتیاد نی ترک قیلیش پروسه‌لری نی اوتکزگنلر.
