ملی مصالحه عالی کینگش باشلیغی عبدالله عبدالله، هند گه قیلگن سفریده دوحه‌ده دوام ایتیب کیله‌دیگن تینچلیک سوزلشوولری نینگ امیدوارلنتیروچی دیگن.
اونینگ اورغولشیچه، تینچلیککه ایریشیش نینگ حربی ییچیم یولی یوق و ایکی تامان سیاسی بیر ییچیم یول اوستیگه کیلیشگنده، تینچلیککه ایریشیش امکانی کوپه‌یشی ممکن.
جناب عبدالله اوتگن کون (پنجشنبه ۱۷- میزان) کیچ قورون هند مطالعه‌لر انستیتوتی ده نطق سوزلب، جاری سوزلشوولرنینگ افغانستان اوروشی یکونله‌نیشی اوچون یخشی فرصت دیگن. اونینگ ایتیشیچه: «بو، اوچ یا تورت دهه‌دن بویان دوام ایتیب کیله‌دیگن اوروش نی یکونله‌نتیریش اوچون یخشی بیر فرصت دیر.»
عبدالله نینگ کوپه‌یتیریشیچه: «حاضر افغانسنان کیله‌جگی نینگ تینچلیک و برقرارلیک بیلن رقم اوریش فرصتی کیلگن.»
اونینگ اورغولشیچه، افغانستان یشاوچیلری بو مملکت تینچ و دموکرات به مملکت گه اوزگریشی نی کوتیب تورگن.
ملی مصالحه عالی کینگش باشلیغی نینگ ایتیشیچه، دوام ایتیب کیله‌دیگن تینچلیک سوزلشوولریده یشاوچیلر حقوقی سقله‌نیشی اوستیگه اورغولنگن. جناب عبدالله نینگ ایتیشیچه، هند رسمی‌لری افغانستانلیکلر رهبرلیگیده‌گی تینچلیک سوزلشوولریدن حمایت قیله‌دی.
ملی مصالحه کینگش باشلیغی زوروانلیکلر میزانی یوقاری کیتگنیدن خواطر بیلدیریب ایتیشیچه، بو تینچلیک سوزلشوولریده بحث قیلینه‌دیگن جدی موضوع‌لردن بیری دی و زوروانلیکلر میزانی طالبان تامانیدن کمه‌یتیریلیشی اوچون حکومت سعی و حرکت قیلماقده.
