افغانستان ده حکومت نینگ سیاسی تقدیری نامعلوم‌لیگی دوام ایتر ایکن، اسلام امیرلیگی ینه بیر بار دنیا همجمعیت دن اوشبو حکومت نی تن آلیشنی سوره‌گن.
ینگی‌لیکده، خلق‌ارا آزیق_آوقات دستوری اورین باسری کارل سکاو بیلن اوچره‌شگن اسلام امیرلیگی باش وزیرلیگی نینگ اداری اورین باسری عبدالسلام حنفی، دنیا تامانیدن یره‌تیلگن تحریم‌لر سرپرست حکومت نینگ سیاست‌لری اوستیده تأثیر قیلمه‌ی و دنیا اوز تحریم‌لری گه یکون بیریشی کیره‌ک دیگن.
عین‌حالده، اسلام امیرلیگی سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه، سرپرست حکومت بیرگن وعده‌لری گه متعهد دیر و دنیا همجمعیت تامانیدن تن آلینیشنی ایسته‌یدی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «دنیا بیلن تعامل قیلیش اوچون قدریت‌لریمیز گه قرشی بولمه‌گن موردلر حقیده مذاکره قیلیش گه تیارمیز، برچه موردلر آلغه باریشی گه ایشانه‌میز.»
اسلام امیرلیگی حاضرگچه هیچ بیر مملکت تامانیدن رسمیت گه تانیلمه‌گن بولسه ده، بیراق دنیا همجمعیت اوشبو حکومت بیلن بیر تور تعامل قیلماقده.
ایش بیلرمان‌لر نینگ ایشانچی گه کوره، اسلام امیرلیگی رسمی‌لریدن بیرقطاری نینگ چیت ایل گه سفرلری و افغانستان گه دنیا جماعه‌چیلیگی نینگ نقدی یاردم‌لری، دنیا همجمعیت نینگ اسلام امیرلیگی بیلن تعامل قیلیش موردلریدن سنله‌دی.
خلق‌ارا مناسبت‌لر تدقیقاتچیسی مصطفا مدثر نینگ ایتیشیچه: «اسلام امیرلیگی سیاست‌لرینی اوزگرتیرمسلیک اوچون تحریم‌لر گه اعتبار بیرمه‌یدیلر، چونکه تحریم‌لر نتیجه بیرمه‌یدی، دلیلی تحریم یوق، چونکه سفر قیلیشه‌دی و هر هفته قیرق میلیون دالر یاردم بیریله‌دی.»
بیزلرنینگ توییترده هم تعقیب قیلینگ!
برچه‌سی بیلن ایش بیلرمان‌لر گه کوره، اوشبو وضعیت دوامی و سیاسی تقدیرسیزلیک افغانستان یشاوچیلرینی بحران گه دوچ قیله‌دی.
سیاسی ایش بیلرمان و سابق دیپلومات عزیز معارج نینگ ایتیشیچه: «باش وزیرلیک اداری اورین باسری عبدالسلام حنفی دنیا تحریم‌لری تأثیرسیزلیگینی ایته‌دی، اشتباه دیر چونکه تحریم‌لر افغانستان خلقی و اقتصادی اوستیگه تأثیر قیله‌دی، بو وضعیت دوام ایتگن تقدیرده افغانستان خلقی زیان کوره‌دی.»
ایتیش کیره‌ک که، افغانستان دیپلوماتیک نماینده‌لیگی بیر بیانیه ترقه‌تیب، افغانستان ده مشروع حکومت یوق‌لیگی ایریم قیینچیلیک‌لر گه سبب بولیشینی ایتگن.