اسلام امیرلیگی باش وزیری نینگ سیاسی اورین باسری محمد عبدالکبیر، افغانستان نینگ تشقی سیاستیده قطر نینگ رولی مهم دیر و اسلام امیرلیگی بو مملکت بیلن سیاسی، اقتصادیات، اوقیش، صناعت و سرمایه یاتقیزیش بولیم‌لریده ایکّی تامانلمه همکارلیک قیلیش گه قیزیقیشینی معلوم قیلگن.
بیزلرنینگ فیسبوک صحیفه‌میزگه باش اورینگ!
ارگ، ۴-سنبله، یک‌شنبه کونی ایکس صحیفه‌سیده یازیشیچه، عبدالکبیر بو موضوع نی کابل ده قطر ایلچیخانه‌سی نینگ یوقاری مرتبه‌لی مصلحتچیسی مردف القاشوطی بیلن اوچره‌شووده بیان قیلیب و اسلام امیرلیگی نینگ دنیا بیلن مناسبتی مستحکم‌لنماقده‌لیگینی اېتگن.
اسلام امیرلیگی باش وزیری نینگ سیاسی اورین باسری، اسلامی مملکت‌لردن افغانستان‌لیک ییگیت‌لر اوچون اولکه‌لریده عالی درجه ده اوقیش گه زمینه یره‌تیشینی سۉره‌گن.
بیزلرنینگ «ایکس» ترماغی ده هم تعقیب قیلینگ!
بیانیه اساسیده، بو اوچره‌شووده القاشوطی، قطر افغانستان خلقی گه انسان پرورلیک یاردملری گه دوام بیریب و تورلی ساحه‌لرده اسلام امیرلیگی بیلن همکارلیک‌لرینی کېنگه‌یتیریش گه سعی-حرکت قیلماقده‌لیگینی اېتگن.
اسلام امیرلیگی رسمی‌لری سۉنگی اوچ ییلده نیچه مراتبه منطقه و دنیا مملکت‌لری اینیقسه قطردن تورلی ساحه‌لرده افغانستان بیلن همکارلیک قیلیش‌لرینی اېسته‌گن.
