اسلام امیرلیگی باش وزیرلیگی نینگ اقتصادی اورین باسری عبدالغنی برادر، هرات گه قیلگن سفری جریانیده، اوشبو ولایتده یوز بیرگن زلزله عاقبتیده زیان کورگنلردن برچه‌سی گه اوی قوریش خصوصیده سوز بیرگن.
عبدالغنی برادر، مذکور معلومات‌لر نی دوشنبه کیچه، ۱۷-میزان، هرات ولایتی مقامی‌ده یولگه قوییلگن خبری بیر ییغین‌ده بیان قیلگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی باش وزیرلیگی نینگ اقتصادی اورین باسری، هرات ده زلزله عاقبتیده زیان کورگنلر گه یاردم بیریش اوچون برچه امکانیت‌دن قوللنیش خصوصیده تاکید قیلگن.
مذکور ییغین‌ده عبدالغنی برادر، هرات محلی مسئوللری گه ییغیلگن برچه یاردم‌لر نینگ اوشبو ولایت‌ده‌گی زلزله عاقبتیده زیان کورگنلر اوچون صرف‌لنیشی نی بویورگن.
اسلام امیرلیگی باش وزیرلیگی نینگ اقتصادی اورین باسری نینگ کوپه‌یتیریشیچه، هرات ده زلزله عاقبتیده قربان بولگنلر نینگ قوتقریش و اختریش پروسه‌سی نینگ دوامی بار.
ایتیش کیره‌ک که، حادثه‌لر گه ییتیشیش بوییچه دولت وزیرلیگی مسئوللری، اوتگن کون کابل ده یولگه قوییلگن خبری بیر ییغین‌ده، هرات نینگ زنده‌جان تومنی‌ده شنبه کونی یوز بیرگن زلزله قربانی‌لری و زیان‌لری خصوصیده ینگی معلومات نی ارائه قیلیب و حاضرگچه اوشبو زلزله عاقبتیده ۴۰۰۰دن آرتیق کیشی نینگ اولیب و یره‌لنگنی ثبت بولگنی نی ایتگنلر. اولر مذکور رقم نینگ دستلبکی بولگنی و قربانی‌لر رقمی نینگ کوپه‌یشی مملکن‌لیگی خصوصیده تاکید قیلگنلر.
بیزلرنینگ «ایکس» ترماغی ده هم تعقیب قیلینگ!
هرات ده یوز بیرگن بیرینچی قانلی زلزله‌‌دن کیین، شونینگدیک اوشبو ولایتده باشقه نیچه زلزله هم یوز بیرگن.
افغان قیزیل آی جمعیتی دفتری مسئوللری نینگ معلوماتی اساسیده، زنده‌جان تومنی‌ده‌گی ۱۳ قیشلاغ یشش اوی‌لریدن برچه‌سی مکمل شکلده ویران بولیب و شونینگدیک باشقه منطقه‌لرده باشقه یوزلب یشش اوی زیان کورگن.
