قندوز ده محلی منبع‌لر نینگ سلام‌وطندار گه ایتیش‌لریچه، دوشنبه کیچه ۸-حوت، قندوز شهری نینگ اوچینچی حوزه اطرافیده جایلشگن «زاخیل قدیم» ساحه‌سیده، یاش بیر قیز اوزی نی دار گه آسیب حیاتی گه نقطه قویگن.
منبع‌لر گه کوره، اوشبو ۱۸ یاشر قیز نامزد ایکن و عایله و نامزدی بیلن جنحل قیلگنی‌دن کیین، اوزی نی اولدیرگن. منبع‌لر نینگ کوپه‌یتیریش‌لریچه، مذکور قیز نینگ نامزدی ایران ده حیات کیچیره‌ر ایکن.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، قندوز امنیه قوماندانلیگی سوزلاوچیسی جمعه‌الدین خاکسار اوشبو واقعه نی تصدیق‌لب ایتیشیچه، مذکور قیز نامزد ایکن و عایله‌وی قیین‌چیلیک‌لر سبب، اوزی نی دار گه آسگن. اونگه کوره، مذکور قضیه نینگ دوسیه‌سی تیکشیرو آستیده قرار تاپگن.
ایتیش کیره‌ک که، سونگی کون‌لرده مملکت نینگ قطار ولایت‌لریده خود‌کش‌لیک واقعه‌لر کوپه‌یگن و مذکور خود‌کش‌لیک واقعه‌لردن کوپینچه‌سی نینگ سببی، قشاق‌لیک و عایله‌وی جنجل‌لر دیلگن.
