هرات ولایتی‌ده بیر عیال ییگولیک ماده‌لر نی بستهبندلیک و پروسس قیلیش ایش‌خانه‌سی نی ایجاد قیلیش بیلن، تعلیم‌دن محروم قالگن و نیازمند عیال‌لردن قطاری گه ایش زمینه‌سی نی یره‌تگن.
«ملکه جامی» ییگولیک ماده‌لر نی بستهبندلیک و پروسس شرکت مسئولی نفس‌گل جامی نینگ ایتیشیچه، آلتی ییل آلدین اوشبو شرکت نی ۱۰۰ مینگ افغانی خره‌جت بیلن ایجاد قیلگن که، حاضر ایسه مذکور ایش‌خانه‌ده قریب ۳۰ عیال ایش بیلن شغللنگن.
بیزلرنینگ فیسبوک صحیفه‌میزگه باش اورینگ!
اوشبو ایش‌خانه‌ده، ترشی، زعفران شربتی، مربا، رب و باشقه ییگولیک ماده‌لر کبی ییگولیک نرسه‌لر تولید و هرات بازاریده عرضه بوله‌دی.
مذکور ایش‌خانه‌ده‌گی عیال ایشلاوچیلردن قطاری نینگ ایتیش‌لریچه، بو ییرده ایش گه باشلگن‌لریدن بویان، عایله‌لری نینگ اقتصادی وضعیتی یخشی‌لنگن.
بیزلرنینگ توییترده هم تعقیب قیلینگ!
اوشبو ایش‌خانه‌ده‌گی ایشلاوچیلردن فروزان نینگ ایتیشیچه: «بوندن آلدین درس اوقه‌ر ایدیم و قیزلر یوزی گه مکتب‌لر ایشیگی یاپیلگنی‌دن کیین، ایش قیلیش گه یوز کیلتیردیم. قولگه کیلتیره‌دیگنیم معاش‌دن بیر قسمی نی عایله‌م گه بیره‌من و بیر قسمی نی ایسه اوزیم مصرف قیله‌من.»
ایتیش کیره‌ک که، حاضر ایسه هرات ولایتی‌ده عیاللر گه خاص اوچ بازار بار که، اوشبو ییرلرده اون‌لب عیال ایش بیلن شغللنگن.
