بغلان مرکزی پلخمری شهری‌ده سوداگر بیر عیال، تیکووچیلیک بیر ایش‌خانه ایجاد قیلیش بیلن ۶۰ عیال گه ایش زمینه‌سی نی یره‌تگن.
مذکور ایش‌خانه‌ده‌گی عیال‌لر، توش‌دن آلدین و توش‌دن کیین ایکی پیت، تیکووچیلیک، گل‌دوزلیک، موره دوزلیک و خامک دوزلیک بولیم‌لریده ایش بیلن شغل‌لنه‌دیلر.
مذکور ایش‌خانه مسئولی نفیسه اعتبار، اوشبو ایش‌خانه نی ایجاد قیلیشی‌دن مقصد، قشاق و تعلیم‌دن محروم قالگن عیال‌لر گه یاردم بیریش عنوان قیلگن.
بیزلرنینگ توییترده هم تعقیب قیلینگ!
اونینگ ایتیشیچه: «بو ایش‌خانه نی ایجاد قیلگنیم‌دن قریب بیر ییل بوله‌دی. اوشبو تیکووچیلیک ایش‌خانه‌میز اوتمیش‌ده کیچیک ایدی و اوی‌ده ایش قیله‌ر ایدیک و بو ییر نی اوی‌ده بولگن، ایش‌سیز بولگن و تعلیم‌دن محروم قالگن عیال‌لر بیلن کمک قیلیش اوچون بویوک قیلیش خصوصیده قرار آلدیک.»
اوشبو ایش‌خانه‌ده ایش بیلن شغللنگن قشاق عیال‌لردن قطاری، ایش زمینه‌سی یره‌تیلگنی‌دن خورسند‌لیک بیلدیریب، اسلام امیر‌لیگی و یاردم بیرووچی نهاد‌لردن عیال‌لر قول صناعت‌لری نی ساتیش‌لری اوچون بغلان ده عیال‌لر گه خاص بیر بازار ایجاد بولیشی نی ایسته‌گنلر.
مذکور ایش‌خانه‌گی ایش اورگنووچیلر‌دن سویتا نینگ سلام‌وطندار گه ایتیشیچه: «اوشبو ایش‌خانه‌ده ایشله‌یشیم‌دن آلتی آی بوله‌دی. بو ییرده‌گی ایشلاوچیلردن برچه‌سی عیال‌لر دیر. بو ییرده استاد‌لر هم بار که بیزلر بیلن همکار‌لیک قیله‌دیلر و بیلمه‌گنی‌میز نرسه‌لر نی اورگته‌دیلر. بیزلر گه ایش زمینه‌سی یره‌تیلگن و بو ییرده ایشلب و عایله‌میز گه یاردم بیریش اوچون سعی و حرکت قیله‌میز.»
شونینگدیک اوشبو ایش‌خانه‌گی ایش اورگنووچیلر‌دن آرزو نینگ ایتیشیچه: «دولت نهاد‌لری و اسلام امیر‌لیگی‌دن عیال‌لر نینگ آزاد بیر شکلده سودا-ساتیق‌لری اوچون بیر بازار ایجاد بولینیشی نی ایسته‌ی‌میز که، بو رقم اوشبو ایش‌خانه‌میز نی هم پیشرفت بیریب و دنیا گه بیر الگو بوله‌یلیک.»
بیزلرنینگ فیسبوک صحیفه‌میزگه باش اورینگ!
اوتگن بیر ییل‌ده، بغلان شامل مملکت نینگ تورلی ولایت‌لریده عیال‌لر آرقه‌لی تیکووچیلیک ایش‌خانه‌لر و قول صناعتی ساتیله‌دیگن ییرلر، عیال‌لر یاردمی بیلن تعلیم‌دن محروم قالگن و قشاق عیال‌لر گه یاردم بیریش مقصدی‌ده ایجاد بولگن دیر.