غزنی خوفسیزلیک مسئوللری نینگ ایتیش‌لریچه، اوشبو ولایت‌ده یوز بیرگن ترافیکی حادثه نتیجه‌سیده، اوچ باله هلاک بولگن.
غزنی امنیه قوماندانلیگی سوزلاوچیسی خالد سرحدی نینگ سلام‌وطندار گه ایتیشیچه، اوتگن کون (پنج‌شنبه، ۲۵-حوت) توش‌دن کیین، اوشبو ولایت گیلان تومنی نینگ «پل مطیع» ساحه‌سیده، «فولدر» تیپلی بیر موتر کابل-کندهار قتناو یولیده اوچ قیز باله نی باسگن دیر.
بیزلرنینگ فیسبوک صحیفه‌میزگه باش اورینگ!
جناب سرحدی نینگ کوپه‌یتیریشیچه، اوشبو حادثه نتیجه‌سیده، اوچ کیچیک یاشلی قیز اولگن دیر که، اولردن ایکی ته‌سی گیلان تومنی نینگ «مطیع» منطقه یشاوچیسی و بیرته‌سی ایسه اوشبو تومن نینگ «رسنه» منطقه یشاوچیسی ایکن.
غزنی امنیه قوماندانلیگی سوزلاوچیسی گه کوره، هیداوچی حادثه‌دن کیین، ساحه‌دن قاچگن دیر.
