میز آرقهسیده توختهب، حیات چرخینینگ سیکینلهشیب قالمسلیگی اوچون قولی آستیدهگی تیکووچیلیک ماشینینینگ چرخینی تیز-تیز اَیلنتیرماقده. تیکووچیلیک قیلیشگه قیزیقمسهده؛ لیکن درس بیریش یانیده کییم تیکیش گه هم مجبور دیر. تورت ییلدن بیری هر کونی توشدن کیین قلم و کتابنی چیتگه قوییب، بو یول آرقهلی بیر لقمه نان قولگه کیلتیریش مقصد ایپ، ایگینه و تیکووچیلیک ماشینینی قولیگه آلهدی.
فارسچه تیل و ادبیاتی بولیمیده ماسترلیگی بولگن عبدالرب رحیمی، ییللردن بیری کابل شهریدهگی مکتبلردن بیریده بالهلر و اوسمیرلردن کوپ قطارینینگ بو تیل بیلن تانیشتیریش توغریسیده سعیوحرکت قیلهدی. اونینگ ایتیشیچه، نیچه مرته کابل بیلیم یورتلریدن بیریده استاد صفتیده ایشگه آلینیش اوچون حرکت قیلگن؛ بیراق بیر قطار سبب طفیلی بو ایستهگیگه ایریشه آلمهگن. باشقه بیر تاماندن، اوقیتووچیلیک بیلن قولگه کیلیترهدیگن درآمد، اونینگ حیات خرهجتینی تامین قیله آلمسلیگی سبب تورت ییل آلدین کوتل خیرخانه منطقهسیده تیکووچیلیککه باشلهگن. «اوزیم و عایلهنینگ نیازلرینی بو امتیاز بیلن تامین قلیه آلمس ایدیم و ۱۰ کیشیلیک عایله نیازلرینی بو آیلیک بیلن تامینلش قیین دیر. مجبورلیک بیلن تیکووچیلیککه یوز کیلتیردیم.»
بیزلرنینگ «ایکس» ترماغی ده هم تعقیب قیلینگ!
مذکور اوقیتووچی، بار کوچی بیلن عایله نیازلرینی تامینلش اوچون سعیوحرکت قیلهدی، بیراق ایش ساعتلری چیکلنگنی و تیکووچیلیک دکانینینگ موقعیتی طفیلی، بو یول آرقهلی اونچهلیک درآمدی یوق که انه شوو سبب، اوزی و عایلهسی گه قولی بیر حیاتنی توزته آلمهگن. «بیر تیکووچیگه اوچ مینگ و تورت مینگ قالهدی. مین کوتل خیرخانه منطقهسیده ایشلهیمن و یریم کون هم یوق مین، اوچ مینگ و تورت مینگدن یوقاری درآمد قولگه کیلتیره آلمهیمن و اونچه قانیقرلی هم دیه آلمهیمن.»
رحیمی، برچه کوچینی فرزندلری اوچون عادی بیر حیات قوریلیشیگه صرفلهگن، بیراق حاضرگچه کیرهکلی جوابنی آلمهگن و بو ییتیشماوچیلیک ایسه بوینیگه آغیر باسیمگه اَیلنیب و اونینگ شانهلری بو قیینچیلیکلر برابریده ایگیلگن. «بیر اوقیتووچی؛ بیر آته صفتیده بالهلریمنینگ آرزو و ایستهکلرینی تامین قیله آلمهیمن. حقیقتا مین اوچون که بیر آتهمن اذیت قیلووچی دیر. مینی آرزوم بار ایدی که بالهلریمگه بیران ایش قیله آلسم.»
بیزلرنینگ فیسبوک صحیفهمیزگه باش اورینگ!
عبدالرب، کوندهلیک حیات نیازلرینی تامینلش اوچون تیکووچیلیک میز آرقهسیدن کیته آلمسلیگیدن اذیت چیکهدی و یخشی بیر حیاتگه ایگه بولیش آرزوسی بیلن کونینی کیچهگه باغلهب و یشهماقده. «بیر ییرده توختهگنیمده، اوتیب-قیتهدیگن شاگردلریمنینگ سلام بیریشیدن اذیت چیکهمن. اولر نیمه ایش قیلهسین؛ حاضرگچه اوشه مکتبده میسین دیب سورهدیلر که بو مینی اذیت قیلهدی.»
شهر ایچیده قویاش باتیشگه باشلهگن و عبدالرب هم آهسته-آهسته قولی آستیدهگی تکهلرنی چیتگه قوییب، تیکووچیلیک ماشینینی اوچیرهدی و کیچهنی عایلهسی بیلن اوتکزیب و ایرتهسی کونی قیته درس گه باریش اوچون تیارگرلیک آلیش و اوندن کیین تیکووچیلیک بیلن حیات کمچیلیکلریدن بیر قسمینی تامینلش مقصد، اوی تامان حرکت قیلهدی.
