قزاقستاننینگ تورکستان شهریده اۉزبېک تیلی، مدنیتی، و عنعنهلریگه بغیشلنگن معنوی-معرفی تدبیر بولیب اوتدی.
اۉزبېکستان یېتکرمهلری ۲۸-میزان، دوشنبه کونی گزارش ترقهتیب بو حقده خبر بیرگن.
معلوماتلر گه کوره، اوشبو تدبیرده اۉزبېکستان ایلچیخاهسی و آلماتا شهریدهگی باش قنسولخانهسی تشبثی بیلن تشکیل اېتیلگن انجمنده، قزاقستان خلق مجلسی اورین باسری، تورکستان ولایتی مصلحت کینگشی و اوشبو ولایت حاکمیت وکیللری، اۉزبېک ملی مرکزلری رهبرلری قتشنگن.
تدبیرده سۉز گه چیققنلر هر بیر خلق، هر قیسی مستقل دولت اۉزینینگ مدنیتینی، ازلی قدریتلرینی، آنه تیلینی اسرهب-آویلش و رواجلنتیریش مسئلهسیگه استوار اهمیت قرهتیشینی تأکیدلهگنلر.
بو تدبیرده، اۉزبېک تیلینینگ خلق اجتماعی حیاتیده و خلقارا مقیاسده آبرو-اعتبارینی توبدن آشیریش، اونیب-اوسیب کیلهیاتگن یاشلرنی وطنپرورلیک، ملی عنعنه و قدریتلر گه صداقت، اولوغ اجدادلرنینگ بای میراثی گه وارثلیک روحیده تربیهلش و بو کبی ایشلرنینگ اهمیتی جوده دالضرب و بیقیاس اېکنلیگی قید ایتیلگن.
تدبیر دوامیده، اۉزبېک تیلیده شعرخوانلیک، کنسرت دستورلری تشکیل ایتیلیب ترات صنعتی استادلری اشتراکیده ایشلری نمایش ایتیلگن. شونینگدیک، اتاقلی اۉزبېک شاعر و یازووچیلرینینگ اثرلری و هنرمندچیلیک کورگزمهسی تشکیل ایتیلگن.
