اوزبیکستان جمهور باشلیغی شوکت میرضیایف، پاکستان گه قیلگن سفری دایرهسیده بو مملکت عملدارلری بیلن تورلی ساحهلر اینیقسه بویوک بابریلر سُلالهسینینگ علمی-معرفی، مدنی و معماری میراثینی اسرهش، اورگهنیش همده کینگ ترغیب قیلیش توغریسیده بیتیم امضالهدی.
اوزبیکستان جمهورلیک ریاستی، بیر بیانیه ترقهتیب اوشبو شرطنامهلر بوگون (۱۶ دلو / ۵ فبروری، پنجشنبه) اسلامده آباده اوتکزیلگن عالی درجهدهگی استراتیژیک همکارلیک کینگشینینگ بیرینچی ییغیلیشیدن سونگ امضالنگنینی بیلدیردی.
شو بیلن بیرگه، شوکت میرضیایف و پاکستان ییریک عملدارلری اینیقسه بو مملکت باش وزیری شهباز شریف، منطقه، دنیا بوییچه دوام ایتهیاتگن وضعیتلر حقیده بحث ایتگن.
اوزبیکستان جمهورلیک ریاستی بیانیهسیده، بو ایکی مملکت اورتهسیده سودا مناسبتلر کینگهیتیریلیشی، کانچیلیک و جیولوجی ساحهسیده همکارلیک قیلیش، اوزبیکستان – پاکستان ایش بیلرمانلیک کینگشینی تشکیل ایتیش، مدنیت، ایکینچیلیک، بویوک بابریلر سُلالهسینینگ علمی-معرفی، مدنی و معماری میراثینی اسرهش، اورگهنیش همده کینگ ترغیب قیلیش و باشقه ساحهلرده شرطنامه امضالنگنی کیلگن.
اوزبیکستان جمهور باشلیغی شوکت میرضیایف، بوگون رسمی تکلیف بیلن پاکستان گه باردی.
بوندن اول، قزاقستان جمهور باشلیغی قاسم جومارت توکایف، پاکستان گه سفر قیلیب و اوشبو مملکت عملدارلری بیلن تورلی ساحهده شرطنامه امضا قیلگن، اولر جملهسیدن قزاقستان و پاکستان، افغانستان یونهلیشی آرقهلی سودا آلیش-بیریش گه کیلیشگنلری ایتیلگن.
