بلخ ولایتی مطبوعات اداره‌سی، قرغیزستان نینگ انسان پرورلیک یاردملری اوشبو ولایت مرکزی مزارشریف شهری گه یېتیب کېلگنینی معلوم قیلگن.
بلخ ولایتی مطبوعات اداره‌سی نینگ بیانیه‌سیده، اون، یاغ و شکر دن عبارت بولگن بو یاردملر ۷-میزان، شنبه کونی بلخ ولایتی مرکزی مزارشریف شهریده قیزیل آی جمعیتی اداره‌سی گه تاپشیریلگنی اېتیلگن.
بیزلرنینگ فیسبوک صحیفه‌میزگه باش اورینگ!
بیانیه اساسیده، ۹۰ تُن اون، ۱۵ تُن شکر و ۱۵ تُن یاغ شامل ۱۲۰ تُن‌لیک اوشبو یاردملر، بلخ ولایتی قیزیل آی جمعیتی تامانیدن محتاج عایله‌لر گه ترقه‌تیله‌دی.
قرغیزستان نینگ افغانستانده‌گی ایلچیخانه سرپرستی جولچیف دانیار باقراویچ، مملکتی اوشبو یاردملرنی افغانستان خلقی گه همدردلیک بیلدیریش و ایکّی مملکت اۉرته‌سیده‌گی مناسبت‌لر مستحکم‌لنیشی مقصدیده یوبارگنینی بیلدیرگن.
اونینگ کوپه‌یتیریشیچه: «کېله‌جک ده ایکّی مملکت نینگ مناسبت‌لری مستحکم‌لنیشی و همکارلیک زمینه‌سینی یره‌تیش مقصدیده بو یاردملر کورسه‌تیلگن. قرغیزستان کېله‌جک ده افغانستان خلقی گه یاردملری گه دوام بیره‌دی. بو نه‌فقط انسانی بورچ بلکه اخلاقی و دینی بورچ دیر.»
بیزلرنینگ «ایکس» ترماغی ده هم تعقیب قیلینگ!
بلخ ولایتی حاکمی اورین باسری نورالهادی ابو ادریس، قرغیزستان نینگ انسان پرورلیک یاردملریدن منتدارلیک بیلدیریب ایتیشیچه: «بو یاردملر نه‌فقط همدردلیک و قۉشنی‌چیلیک اوچون بلکه اوزاق مدتلی همکارلیک‌لر دوام اېتیشی و افغانستان و قرغیزستان اۉرته‌سیده‌گی دوست‌لیک مستحکم‌لنیشی اوچون دیر.»
قرغیزستان بوندن آلدین، افغانستانده‌گی کمبغل و محتاج کیشی‌لرنی قۉللب-قوتلش مقصدیده انسان پرورلیک یاردملرینی یوبارگن.