دایکندی محلی مسوول‌لری نینگ ایتیش‌لریچه، پولیس رسمی‌لریدن بیری امنیتی کوچلر تجهیزات‌لرینی طالبان گروهی‌گه ساتیش عیبی بیلن قولگه آلینگن.
دایکندی ولایتی کینگش عضوی غیرت‌علی جواهری نینگ سلام‌وطندارگه ایتیشیچه، اوشبو ولایت بوییچه ملی خوفسیزلیک ریاستی ایشلاوچی‌لری پولیس بیر افسرینی امنیتی کوچلر قورال و اوق‌لرینی طالبان گروهی‌گه ساته‌دیگن چاغده، قولگه آلینگن.
جناب جواهری نینگ تاکید قیلیشیچه، پولیس اوشبو رسمی‌سی نینگ ایشی خیانت دیر و بوندن آلدین بونده‌ی بیر واقعه دایکندی ولایتیده یوز بیرمه‌گن.
عین‌حالده، دایکندی ولایتی بوییچه ملی خوفسیزلیک ریاستی باشلیغی رضا اسلمی نینگ بو خبرنی تصدیق‌لب سلام‌وطندارگه ایتیشیچه، اوشبو اداره ایشلاوچی‌لری بیر کیشی‌نی امنیتی کوچلر تجهیزات‌لرینی طالبان‌گه ساتیش عیبی بیلن قولگه آلگن.
جناب اسلمی گه کوره، ملی خوفسیزلیک ریاستی، جماعه‌ده امنیتی کوچلرنینگ آت و جایگاه‌سی کم‌رنگ بولمه‌یشی اوچون قولگه آلینگن کیشی نینگ کیم‌لیگی‌نی فاش قیلمه‌یدی.
بوتوغریده دایکندی پولیس قومندانلیگی فکرینی آلیش اوچون سعی و حرکت قیلدیک، بیراق موفق بولمهدیک.
