قندوز معلومات و مدنیت ریاستی فرهنگ و صناعت بوییچه آمریتی تامانیدن، اوتگن کون (۲۱-عقرب، چهارشنبه)، نقاشلیک و خطاطلیک کورگزمهسی اوتکزیلگن.
مذکور بیر کونلیک کورگزمه قندوز شهرینینگ بالاحصار تورت یولیده اوتکزیلیب و بو کورگزمهده، نقاشلر و خطاطلرنینگ اثرلری سنتی و سلاید شکلده نمایش گه قوییلگن.
معلومات و مدنیت ریاستی فرهنگ و صناعت بوییچه آمری جاوید رنجبر، اوتکزیلگن اوشبو کورگزمهدن مقصد، صناعتچیلرنی قوللب-قوتلش، تشویق قیلیش و اولرنینگ قیزیقیشی دیب و ایتیشیچه، مناسب امکانیتلر یرهتیلیشی بیلن محلی صناعتچیلردن حمایت بولیشی کیرهک.
شوندهی بیرحالده، کورگزمه گه شرکت قیلگنلردن قطاری، بو کبی برنامهلرنینگ دوام قیلیشینی ایستهب و ایتیشلریچه، صناعتی کورگزمهلر هنر ساحهسیده ینگی استعدادلر رواجلنیشی و تجربهلر المشتیریلیشیگه سبب بولهدی.
ایتیش کیرهک که، بوندن آلدین هم قندوز ولایتیده نیچه کیچیک هنری اثرلر کورگزمهسی اوتکزیلگن دیر.
