اساسی قیینچیلیک‌لر گه یېچیم یول قیدیریش و افغانستان خصوصی سکتوری همده تجارت ترقیاتی اوچون بازار گه قنده‌ی اسلوب بیلن یول تاپیشنی تېکشیریش مقصدیده، خصوصی سکتور متشبث‌لری اۉرته‌سیده بیرکون‌لیک ییغیلیش بوگون (۴-سرطان، دوشنبه) کابل ده بولیب اۉتدی.
صناعت و سودا وزیرلیگی مسئوللری بو ییغیلیش ده آلینه‌دیگن قرار، خصوصی سکتور اوستیگه مستقیم طرزده تأثیر قیلیش گه تاکید اېتگنلر.
اوشبو ییغیلیش ده صناعت و سودا وزیرلیگی سرپرستی نورالدین عزیزی، دنیا همجمعیتدن انسان پرورلیک یاردم‌لری اۉرنیده افغانستان نینگ آست قورمه‌لری اوستیگه سرمایه یاتقیزیش‌لرینی اېسته‌گن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «دنیا همجمعیت و یاردم بیرووچی نهادلر انسان پرورلیک یاردم‌لری اۉرنیده برق، ساووقخانه، صناعتی پارک، اقتصادی خاص زون‌لر، صادراتی مرکزلر، تکنالوژی و زمانه‌ی سولنتیریش کبی خصوصی سکتور ترقیاتی اوستیگه سرمایه یاتقیزیش‌لری کېره‌ک.»
عین‌حالده، مذکور ییغیلیش ده سودا و سرمایه یاتقیزیش اتاق مسئوللری، بیرلشگن ملتلر تشکیلاتیدن چیت ایل مملکت‌لریده افغانستان‌لیک سوداگرلر نینگ قیینچیلیک‌لری گه دقت قیلیشنی طلب قیلگنلر.
سودا و سرمایه یاتقیزیش اتاق اۉرین باسری یونس مومند، بیرلشگن ملتلر تشکیلاتی افغانستان سوداگرلری گه ویزه صادر اېتیشده قولی‌لیک یره‌تیب و بانکی قیینچیلیک‌لرینی حل اېتیشی کېره‌ک دیگن.
بیزلرنینگ «ایکس» ترماغی ده هم تعقیب قیلینگ!
اونگه کوره: «بیرلشگن ملتلر تشکیلاتیدن افغانستاندن تشقری ده بانکی قیینچیلیک‌لریمیز حل اېتیلیشی و افغانستان نینگ ایچکی تولیدلری گه بازار قیدیریشی و سوداگرلر گه ویزه صادر اېتیش گه قولی‌لیک یره‌تیشینی اېسته‌یمیز.»
شو بیلن بیرگه بیرلشگن ملتلر تشکیلاتی مسئوللری، افغانستان خصوصی سکتورینی قۉللب-قوتلش‌لریدن ایشانچ بیلدیرگنلر.
افغانستانده بیرلشگن ملتلر تشکیلاتی نماینده‌لیگی (یوناما) نینگ اۉرین باسری اندریکا راتوت، افغانستان خصوصی سکتوری قۉللب-قوتلنیشی گه تاکید اېتگن.
اونینگ ایتیشیچه: «بیرلشگن ملتلر تشکیلاتی خصوصی سکتور، منطقه و خلق‌ارا بازارلر گه قول تاپیشی اوچون قۉللب-قوتلشینی اېسته‌یمیز، خصوصی سکتور ترقیاتی و اونی قۉللب-قوتلش برچه نینگ مسئولیتی دیر.»
برچه‌سی بیلن، صناعت و سودا وزیرلیگی سرپرستی گه کوره، افغانستان نینگ ۵۰۰ قلم موردی مملکت ایچیده ایشلب چیقریلماقده و اولر ارا ۱۳۳ قلم ده اۉزینی-اۉزی تامینله‌گن.
ایتیش کېره‌ک، اوشبو مذاکره نتیجه‌سی ییغیلیش یکونیدن سۉنگ حکومت و خلق‌ارا نهادلر بیلن شریک قیلینیشی کوتیله‌دی.
