هوا اوزگریشلری سبب، کون اوتیشی بیلن افغانستان بویلب ییر آستی سوولر سطحی قویی کیتماقده. شونینگدیک لغمان ده هم ییر آستی سوولر سطحی پس توشیب و بو ولایت یشاوچیلری کوپینچه قیینچیلیک بیلن روپهره دیر.
لغمان ده جایلشگن «بابا صاحب»، ایچیملیک سوو جوده قیین تاپیلهدیگن بیر منطقه بولیب، مذکور حدوددهگی ییر آستی سوولر شور و ایچیلیش امکانیتیگه ایگه ایمس.
بو منطقه یشاوچیلریدن زینالدیننینگ ایتیشیچه، ایچیملیک سوونی اوزاق منطقهلردن تامین قیلیشی سبب، بالهلری درس و مکتبدن اوزاق قالگن. اونینگ کوپهیتیریشیچه، اوییدهگی قودوقنینگ چقورلیگی ۶۰ متر بولگنی بیرحالده، ینه هم مذکور قودوق سووی ایچیلیش امکانیتیگه ایگه ایمس دیر.
زینالدین، مسئول ادارهلر و همکار تشکیلاتلردن، بو منطقه اهالیسیگه ایچیملیک سوو تامینلنیشینی ایستهگن. «بو ییرده سوولر سطحی قویی کیتگن و اهالی قودوقلرنی قازیشگه امکانیتی یوق. قودوقلر ۷۰ مترده سوو بیرهدی. بالهلریمیز اوزاق جایلردن سوو آلیب کیلهدیلر که کوپراق انه شوو سبب، درس و مکتب گه باره آلمهیدیلر. بو ییردهگی اویلرگه مناسب قیمت بیلن نل کیلیشینی ایستهیمیز که اهالی اوندن فایدهلنسین.»
لغمان مرکزیده «سلطان غازی بابا شهرچهسی» یشاوچیسی حمداللهنینگ ایتیشیچه، قوروقچیلیک سبب، اویلریدهگی قودوق قوریب و دولتی نل سووی هم قیمتلیگی سبب، اونینگ ساتیب آلیش امکانیتیگه ایگه بولمهی و کوپینچه قیینچیلیکلرگه روپهره بولگن. «سونگی کونلرده، لغمان ده قوروقچیلیک کوپهیگن و سوولر کمهیگن. قودوقلر هم قوریگن. ایچیملیک سوو ییترلی ایمس و جودهیم آز دیر.»
شوندهی بیرحالده، لغمان ده محلی مسئوللرنینگ ایتیشلریچه، شهر منطقهلریدن قطاریگه شیرین سوو ییتیشتیرگنلر و بو جریاننینگ تیزلشتیریش مقصد، سعیوحرکت قیلهدیلر.
لغمان ولایتی شهر بویلب سوو ییتیشتیریش آمریتی سرپرستی نورآقانینگ سلاموطندار گه ایتیشیچه، بو ولایت مرکزی مهترلام شهریده ۵ مینگ عایلهگه ایچیملیک سوو ییتیشتیرگنلر.
اونینگ کوپهیتیریشیچه، کیلهسی قویاش ییل ایچیملیک سوو کملیگی بیلن روپهره بولگن منطقهلرگه سوو نللری ایشینینگ باشلهنیشی ممکن. «ایچیملیک سوو کملیگی بیلن روپهره بولگن لغمان مرکزیدهگی منطقهلردن قطاریگه، سوو ییتیشتیریش ترماقلرینی نصب قیلیش اوچون سعیوحرکت قیلهمیز که اونینگ سانی ایکی مینگ ۶۰۰ عایله گه ییتیشهدی. حاضر بو عایلهلرگه قودوق سوویدن بیرهمیز که تیزلیکده اوچینچی قودوق هم فعال بولیب و شهری سوو ییتیشتیریش ترماغیگه باغلنهدی.»
لغمان ده سلطان غازی بابا شهرچهسی و بابا صاحب منطقهلری یشاوچیلری، ییر آستی سوولر کمهیگنی و سوو بولگن ایریم حدودلرده هم، اونینگ ایچیلیش امکانیتیگه بولمهگنینی بیان قیلگنلر.
