هییت بیرمی ییتیب کیلیشی بیلن بیرگه کابل یشاوچیلریدن قطارینینگ ایتیشیچه، کمبغللیک و ایشسیزلیککه قرهمهی، هییت کونلرینی فرهنگی عرف-عادتلر اساسیده نشانلش مقصد سعیوحرکت قیلماقدهلر. اولرگه کوره، هییت بیر-بیرینی کوریش اوچون امکانیت دیر و انه شوو سبب، آز تیارگرلیک آلینگن بولسهده، ینه هم اونی کوتیب آلیشگه حرکت قیلهدیلر.
کابل یشاوچیلریدن و مندوی بازاریگه قوروق میوه ساتیب آلیش اوچون بارگن حسیباللهنینگ ایتیشیچه، مهمانلرینی کوتیب آلیش اوچون تورلیخیل نرسه ساتیب آلماقده. اونینگ کوپهیتیریشیچه: «تورلیخیل نرسهلر بار، قیمتلر هم هر کیمنینگ امکانیتیگه قرهب بیلگیلنگن. مهمانلرگه میوه تیارلش، بیر عرف-عادت دیر.»
حاضر کابل شهری بازارلریده بیر کیلو بادام ۵۰۰ دن ۷۰۰ افغانی، بیر کیلو پسته ۷۵۰ افغانی، بیر کیلو کاجو ۶۰۰ افغانی، بیر کیلو یانغاق ۵۵۰ افغانی، بیر کیلو مهییز ۲۵۰ دن ۴۵۰ افغانی و بیر کیلو سیمیان هم ۱۵۰ افغانیگه ساتیلماقده.
کابل یشاوچیلریدن بیری عتیقاللهنینگ ایتیشیچه، قوروق میوه قیمتی مناسب بولگنی بیلن، ینه هم اولرنینگ ساتیب آلیشگه کوچی ییتیشمهیدی. «بیر کیلو بادام قیمتی ۵۰۰ افغانی، مهییز ۲۵۰ افغانی، یانغاق ۵۰۰ و نخود ایسه ۲۰۰ افغانی دیر؛ ایرتنگدن بیری هر یاققه بارهمن، لیکن حاضرگچه بیر کیلوگرام هم نرسه ساتیب آلامهدیم.»
شونینگدیک بازار گه شیرینلیک آلیش اوچون چیققن کابل یشاوچیلریدن باشقه بیری فریداللهنینگ ایتیشیچه: «بیراز زردآلونینگ دانهسی، پسته، یانغاق و مهییز آلهمن که هم اوزیمیز همده مهمانلر آغزی شیرین بولسین.»
بازارلر اینیقسه کتهراق شهرلر، هییت کونلرینینگ هواسینی اوزیگه آلگن. تازه و قوروق میوه ساتووچیلر، ساتیب آلووچیلرنینگ استه-سیکین کوپهیگنیدن خبر بیریب و ایتیشلریچه، اهالی هرچند اوتمیشدن آزراق؛ لیکن ینه هم تازه و قوروق میوه، شیرینلیک و بالهلریگه هییت بیرمی کییملرینی تیارلش گه قیزیقهدیلر. اولرنینگ ایتیشلریچه، هییت بیرمی یقینلشی بیلن ایشلری رواجلهنیب و کونده توارلریدن بیر قسمینی ساتهدیلر.
کابل شهری مندویسیدهگی دکاندارلردن منصورنینگ ایتیشیچه: «هییت بیرمی ییتیب کیلیشی کونلرده ۲۰-۲۵ مینگ افغانی ایشلهیمن و اوندن آلدین ۲۰۰ افغانی بیلن اویگه بارهر ایدیم. شو رقم بعضی کونلر ایسه هیچ ساتیشیمیز یوق ایدی.»
هییت اوچون قوروق و تازه میوه تیارلش، یشاوچیلرنینگ قدیمدن قالگن عرف-عادتلریدن بولیب و هر بیر عایله مهمانلرینی کوتیب آلیش مقصد، امکانیتلریگه قرهب دسترخوانلری اوستیگه میوه تیریش اوچون سعیوحرکت قیلهدیلر.
