بلخ ولایتی امنیتی مسئوللری، اوشبو ولایتده ایشلب چیقریش بیر مرکز، باشقه ایشلب چیقریش بیر مرکزنینگ جوازی، نامی و مخصوص بیلگیلریدن ناقانونی فایدهلنگنی سببلی یاپیلگنیدن خبر بیردیلر.
بلخ ولایتی امنیه قوماندانلیگی، ۲۲-میزان، سهشنبه کونی، اوشبو ایشلب چیقریش مرکز مزارشریف شهرینینگ تورتینچی امنیتی حوزه حدودلریده ایکی ییلدن بیری فعالیت یوریتیب کیلگنینی بیلدیرگن.
بلخ امنیه قوماندانلیگینینگ جنایتچیلیکه قرشی کورهش بولیمی مدیری فیضالله فیضی گه کوره، اوشبو ایشلب چیقریش مرکزی یاپیلگن و او بیلن باغلیق ایکی کیشی حبس گه آلینگن.
فیضی جنابلری گه کوره، بو ایکی کیشی بیر کمپنیهنینگ اوسکونهلری، مارکی و مخصوص ایدیشلریدن فایدهلنیب، اۉز بیلگنیچه شامپو ایشلب چیقرر ایکنلر.
حبس گه آلینگن کیشیلر، اولر ایکی ییل دوامیده اوشبو کمپنیهنینگ جوازی و نامیدن فایدهلنیب فعالیت یوریتیب کیلیشگنینی تصدیقلهگنلر.
