بوگون (سه‌شنبه ۲۹- میزان) ایرته‌لب بلخ ولایت مرکزی مزارشریف شهری نینگ خراسان کارته‌سیده بیر یاش خاتین تورموش اورتاغی تامانیدن اولدیریلگن.
بلخ پولیسی سوزلاوچیسی عادل‌شاه عادل نینگ سلام‌وطندارگه ایتیشیچه، اوشبو حادثه مزارشریف نینگ ۷- ناحیه‌سیده یوزبیرگن و مذکور ایرکک حادثه محلیدن قاچگن.
اونینگ کوپه‌یتیریشیچه، بو حادثه عایلوی زوروانلیکلر باعث یوزبیرگن و بو حادثه حقیده اوشبو عیال نینگ تورموش اورتاغی نی ۴ عایله اعضاسی قولگه آلینگن.
محل یشاوچیلری نینگ ایتیش‌لریچه، مذکور عیال گه ناتانیش کیشیدن زنگ کیلگنی باعث، اونینگ ایری اَچیقله‌نیب و پچاق و بالته آرقه‌لی اولدیرگن.
اولرگه کوره، اوشبو عیال دن ۲ کیچیک باله قالگن.
پولیس مسئوللری نینگ ایتیش‌لریچه، بو توغریده تدقیقات باشلنگن و امنیتی کوچلر بو خانم نینگ اِیری نی قولگه آلیش اوچون سعی و حرکت قیلماقده.