پروان ولایتی سیاهگرد تومنیگه قرهشلی آلیس و ساکن تاغلر بغریدهگی بیر قیشلاقده، بیر قیز اوز حیاتی و قیشلاقدهگی باشقه قیزلرنینگ حیاتینی اوزگرتیریش اوچون بیل باغلهگن. او اورنیدن توریب، حیات قیینچیلیگینینگ چیگینینی ییچیش و باشقه قیزلرگه هم ایشلش امکانیتینی یرهتیشگه قرار قیلگن. فریما، افغانستان دهگی باشقه مینگلب عایله کبی اوزیدن هیچ بیر اثر قویمهگن و حیاتیگه دوام بیرهیاتگن بیر عایلهده کته بولگن؛ بیراق او، قیشلاقلیک باشقه قیزلر کبی ساده و عادی بیر حیاتنی ایستمهگن.
فریما، ۲۷ مینگ افغانی بیلن تیکووچیلیک اوسکونهلریدن قطارینی تیارلب و کیچیک ایشخانهسینی آچگن و اوندن کیین ایسه قیزلرنی ییغیب و اولرگه تیکووچیلیکنی اورگهتیشگه باشلهگن. «قیشلاقدهگی قیزلر ایشسیزلیک بیلن روپهره بولگنلریده، بیران یول بار دیب توشیندیم. بو قرارنی آلگنیمده، اوزیمده ۷ مینگ افغانیم بار ایدی و قریب ۲۰ مینگ افغانی قرض آلدیم. بو پول بیلن بیر قطار تیکووچیلیک اسکونهلرینی ساتیب آلدیم و حاضر ایسه سرمایهم ۳۰۰ مینگ افغانی بولگن. بیر ییلده ۴۰ عیالگه تیکووچیلیکنی اورگته آلدیم.»
بیزلرنینگ «ایکس» ترماغی ده هم تعقیب قیلینگ!
فریما گه کوره، ایشینی باشلهگنیده عایلهسینینگ مخالفتی کبی جمعیتنینگ سنتی قرهشلری و ایشانچلری، فعالیتی توغریسیده آغیرلیک قیلیب و باشقه بیر تاماندن، برق و نیازی بولگن دستلبکی مادهلر یوقلیگی، ایشیگه دوام بیریشنی اونگه قیینلشتیرگن ایکن؛ بیراق او بو توسیقلیکلر برابریده باش ایگیش اوچون جوده قاطعیتلی ایدی. «باشده بو ایشگه باشلماقچین بولگنیمده، هم یاشلریم و قیشلاقدهگی کیشیلر کولدیرلر. برچه کیشی مخالفت قیلهر ایدی، بیراق مین سعیوحرکت قیلدیم.»
کیچکینه بیر اتاق ایچیده نیچهته ماشین بولگن فریمانینگ تیکووچیلیک ایشخانهسیده، بیر ییل ایچیده تحصیلدن محروم قالگن ۴۰ ته قیز تیکووچیلیک اورگنگن. مذکور ایشخانهدهگی قیزلر، عیاللرگه تورلیخیل توی و ساده کییملرنینگ تیکیلیشینی اورگنهدیلر. «بو ییرده بیزلر بیلن ایشلهیدیگن قیزلر، درس و تعلیمدن محروم قالگنلر دیر. اولر بودن آلدین خواطر و تشویش بیلن روپهره ایدیلر. بو ایشنینگ آچیش یانیده کیچیک بیر دکان هم آچدیک که عیاللرنینگ برچه نیازلری بولگن نرسه او ییرده بار. بو ایشخانهده هر تورلی عیاللر کییمی اورگهتیلیش، تولید همده ساتیلیش اوچون بار.»
بیزلرنینگ فیسبوک صحیفهمیزگه باش اورینگ!
حاضر فریما، ایشخانهسینینگ کوچهیتیریب، کوپینچه قیزگه تیکووچیلیکنی اورگهنیش فرصتینی یرهتیب و اولرنینگ تولیدلریگه بازار تاپیش اوچون سعیوحرکت قیلماقده. او کیلهجکده «درهی غوربند سنتی کییم» برندینی آچماقچین. «نهادلردن بیزلرگه کیچیک قرضه بیریشلرینی ایستهیمیز. بیزلرگه مالی و اقتصادی یاردم بیرسینلر. بو قیشلاقده عیاللر و قیزلردن کوپ قطاری بیزلر بیلن ایشلماقچین، بیراق جاییمیز کیچیک دیر. یاردم و همکارلیککه نیازیمیز بار. تیککنیمیز و توزتگنیمیز کییملر اوچون بازار تاپسینلر که ساتهیلیک. شونینگدیک تیکووچیلیک دستگاهلریمیز آز دیر.»
فریما و ایشخانهده ییغیلهدیگن قیزلر، امید و قیزیقیش بیلن بو کیچیک اتاقنینگ مستحکم تینچگه اَیلهنیشیگه حرکت قیلهدیلر که بو اتاق، عیاللر اوچون محنت و برقرار کیلهجک سری امید نوری ترقلهیاتگن بیر جای دیر.
