جوزجان ولایتیده اسلامی امارت مسوول‌لری نینگ ایتیش‌لریچه، اوشبو ولایت نینگ آقچه تومنیده بیر توی مراسمیده یوز بیرگن پارتلشده کیلین هلاک و باشقه ایکی عیال یره‌لنگن.
آقچه ولسوالی مولوی نعمت‌الله نینگ سلام‌وطندارگه ایتیشیچه، بو واقعه بوگون “شنبه” عصر چاغیده آقچه تومنیده جایلشگن «قصر عروس» هوتلی ده یوز بیرگن. اونینگ ایتیشیچه، کیلین توی تالاریده کیره‌دیگن پیتده پارتلش یوز بیرگن.
بیزلرنینگ فیسبوک صحیفه‌میزگه باش اورینگ!
آقچه ولسوالی نینگ کوپه‌یتیریشیچه، دستلبکی تیکشیریش‌لرگه کوره، عایله‌وی دشمن‌لیکلر سبب، بو واقعه یوز بیرگن.
عین‌حالده، آقچه ولسوالی یشاوچی‌لری و واقعه گواه‌لری نینگ ایتیش‌لریچه، پارتلش یوز بیرگنیدن سونگ، بیرقطار عیال‌لر و باله‌لر محل‌نی ترک قیله‌دیگن پیتده ایاق آُستیگه قالیب یره‌لنگنلر.
حاضرگه‌قدر هیچ‌بیر گروه یا-ده کیشی بو واقعه مسوولیتی‌نی بوینیگه آلمه‌گن.