اوتگن کون (۲۸-جوزا، چهارشنبه)، کابل ده ۱۶۰ یاش ییگیت و قیز قوشمه حیاتلرینینگ باشلنیشینی نشانلهگنلر. بو مراسمگه شرکت قیلگن کییاولردن بیری ناظرحسین علیزادهنینگ ایتیشیچه، قشاقلیک سبب تورت ییلدن بیری توی مراسمینینگ اوتکزیش اوچون کوتیب تورگن. «نامزدلیگیمیزدن تورت ییل بولگن ایدی و بودجه کملیگی و اولکهمیزدهگی فرهنگلر، جمعیتیمیزده قولی توی قیلیش امکانیتی یوقلیگیگه سبب بولهدی.»
علیزادهنینگ کوپهیتیریشیچه، توی قیلیش حیاتنینگ ینگی بولیمی بولیب و خاتینی بیلن یخشی بیر حیات کیچیریش اوچون توی قیلیشدن آلدینگی تعلیمی دورهلرنی بیتیرگنلر. «توی قیلیشدن آلدینگی تعلیمی دورهلرینی بیتیردیم که تورموش اورتاغیم بیلن حیاتنینگ قندهی اوتکزسم و بو دورهده، تورموش اورتاغیم بیلن قندهی یاندهشسم.»
بیزلرنینگ فیسبوک صحیفهمیزگه باش اورینگ!
مذکور کییاوگه کوره، جمعیتدهگی ناتوغری فرهنگلر سبب، یاشلر آرهسیده توی قیلیش یاشی آشگن.
اوشبو ینگی کییاو یانیده اولتیرگن کیلین، عایلهلردن ییگیتلرنینگ عایلهسیدن کوپینچه قلین آلینمسلیگینی ایستهیدی. «عایلهلر کوپینچه قلین آلینیش و ناتوغری عنعنهلردن اوزاق بولیب و قیزلر و ییگیتلر آز خرهجت بیلن توی مراسملرینی بو رقم اوتکزیشلری کیرهک.»
مذکور نیکبخت مرادی اسملی کیلیننینگ ایتیشیچه، هییتلیک کبی ناتوغری فرهنگلرگه تورموش اورتاغی عایلهسینینگ توجهسیزلیگی سبب، یقینداشلریدن کوپینچهسی طعنه بیرگن. نیکبخت تورموش اورتاغی بیلن حیاتنینگ خوشلیک بیلن اوتکزیشنی آرزو قیلهدی.
شونینگدیک، اوشبو توپلم توی مراسمینی اوتکزگن «پناه عترت» جمغرمهسی مسئوللرینینگ ایتیشلریچه، بو مراسم آسان توی مراسملری رواجلنیشی و نیازمند ییگیتلرنی حمایت قیلیش مقصد، اوتکزیلگن.
بیزلرنینگ «ایکس» ترماغی ده هم تعقیب قیلینگ!
مذکور توی مراسمینی اوتکزگنلردن بیری رضا مظفرینینگ ایتیشیچه، بو مراسمده ایکی میلیون افغانی صرفلنگن. «توی مراسمینینگ آسان شکلده اوتکزیلیشی و اسراف آلدی آلینیشی مقصد، توی مراسملری کیچ گه قالگن سینگیللریمیز و ایناغهلریمیزدن بو برنامه گه شرکت قیلیشلرینی ایستهمیز که، تویلرینی نشانلب و عایلهلرینینی تشکیل بیرسینلر.»
افغانستان ده توی مراسملری اوچون کوپینچه خرهجتلی عنعنهلر، ییگیتلردن کوپ قطارینینگ ییللرچه نامزد قالیشلری یا-ده ییگیتلردن قطارینینگ توی قیلیشگه اقدام قیلمسلیکلریگه سبب بولگن؛ بیراق سونگی ییللرده اجتماعی نهادلر و جمغرمهلردن قطاری آز خرهجتلی توی مراسملری رواجلنیشی توغریسیده توپلم توی مراسملری اوتکزیلیشیده سعیوحرکت قیلگنلر که بو مراسملرگه، اونلب قیز و ییگیت قوشمه حیاتلرینینگ باشلنیشینی نشانلهگنلر.
