بیرلشگن ملتلر تشکیلاتی، «هر اوچ ثانیه»ده دنیانینگ بیر جاییده بیر قیز اویلنهنیشینی بیلدیردی.
اوشبو تشکیلات، بوگون (۲۵ دلو/۱۴ فبروری، شنبه) ایکس صحیفهسیه بیر بیانیه ترقهتیب بو حقده خبر بیردی.
بیرلشگن ملتلر تشکیلاتینینگ بیانیهسیده، ۱۸ یاشنی تولدیرمهگن قیزلر تورموش گه چیقریلیشی انسان حقوقلرینینگ بوزیلیشی، قیزلرنی اوزلرینینگ تولیق صلاحیتلریگه ایریشیش امکانیتیدن محروم قیلهیاتگنی تأکیدلنگن.
بیرلشگن ملتلر تشکیلاتی، ۱۴ فبروری سیویشگنلر کونی مناسبتی بیلن، قانونی یاشنی تولدیرمسدن قیزلرنینگ نکاحلرینی توختهتیش تشبثینی قوللب-قوتلشگه چقیردی.
بیرلشگن ملتلر تشکیلاتی اهالی صندیغینینگ ایتیشیچه، بالهلر نکاحی قیزلرنینگ حیاتی و ساغلیغی گه خوف سالهدی و اولرنینگ کیلهجک استقباللرینی چیکلهیدی.
اوشبو تشکیلات اهالی صندیغی معلوماتیگه کوره، دنیا مقیاسیده هر بیش قیزدن بیری ۱۸ یاشنی تولدیرمسدن رسمی یا کی نارسمی شکلده تورموش گه چیقریلهدی.
حاضرده ۶۴۰ میلیون قیز و عیال بالهلیکده اویلنگنی ایتیلهدی. هر ییلی ۱۲ میلیون اوسمیر قیز، ۱۸ یاشنی تولدیرمسدن تورموش گه چیقهدی.
