کچالو، بوغدای، تورلی خیل غله، سبزهوات و بومی اوزوملر ییتیشتیریلیشی اوچون تانیلگن پروانده بیر باغدار، نادر و غیرمعمول اوسیملیک تورلرینی هم ییتیشتیریش گه اولگورگن؛ جملهدن درخت قاوونی، پروان ساووق هواسی بیلن عادی شرایطده ماس بولمهگن میوه دیر، بیراق اوشبو باغدار جاینی عقللی تنلش، محافظتیده پوششلردن فایدهلنیش و اونینگ ییتیشتیریش اوچون ییرنی ماسلشتیریش گه موفق بولگن.
میرحمزه، باغیگه یخشی ایچکی بازار و صادر بولیش امکانیتیگه ایگه بولگن تورلی میوه جملهدن اوزوم، انار و انجیرنی ییتیشتیرهدی. او باغیگه اشاره قیلیب و ایتیشیچه: «بو قاووننی ینگیلیکده کیلتیرگنمین که درخت بولهدی و اونینگ اسمینی پپینو یا-ده پپیه یهدیلر. ویلس اوزومی، اسکر اوزومی، منیکرفنگر اوزومی، رد گلوب اوزومی، بلک ویلیم اوزومی و هاووین یا-ده شمشیری اوزومی دیر که تاجیکستان ده افسانه دیهدیلر.»
میرحمزه، باغیده ییتیشتیرهدیگن میوهلردن کوپینچهسینی تشقیدن کیلتیرهدی و انجیر بیلن انار هم اولر آرهسیده کوزگه کوریلهدی که، درخت شاخچهلریدن آسیلیب یاتگن قاره انار ایسه کوپراق انسان توجهسینی اوزیگه قرهتهدی.
حاضر میرحمزه، یقینیدهگی دهقانلر آرهسیده بیر اورنککه اوزگرگن که بو اورنک، اونینگ بیلیم، تجربه و بیراز جسارتینی کورستهدی که حتا محروم منطقهلرده هم ینگیلیک یرهتیش و فایدهلی ایکینیچیلیککه قول تاپیش ممکن. اونگه کوره، باغدارلیکنینگ ینگی اصوللریگه توجه قیلینگنی و بو بولیمده بیراز بیلیم بیلن فعالیت بولگنی صورتده، اونینگ نتیجهسی محصولدن کوپراق نرسه بولیشی ممکن.
بیزلرنینگ فیسبوک صحیفهمیزگه باش اورینگ!
میرحمزه، اوسیملیکلرنینگ نمونهلرینی بیر قطار آسیایی، اروپایی و امریکایی مملکتلردن پرواننینگ محلی ایکینچیلیگیگه کیریتیرگن. اونینگ بو توغریده ایتیشیچه: «اوشبو اوزوملرنی تاجیکستان، امریکا، اوکراین و چین دن آلیب کیلیب پیوند بیرگنمیز. تدقیقات قیلدیک و نتیجهلری ایجابی ایدی. انار هم کلفورنیا اناری دیر.»
مذکور خلاق باغدار، ایکینچیلیک سکتوریدهگی مسئول نهادلردن، ایکینچیلیک محصوللری اوچون مناسبت بازارلر یرهتیلیشینی ایستهگن. «حاضرگچه دولت یا-ده باشقه بیر نهاد تامانیدن، همکارلیک قولگه کیلتیرگنیمیز یوق. دولتدن اهالیگه یاردم بیریشلرینی ایستهیمیز. اوزوملر پیشگنیده کوپ ارازان دیر.»
میرحمزه مخصوص باغینی توزهتیش اوچون کوپینچه قیینچیلیکنی کورگنی و دهقانلردن کوپ قطاری قولی بیر شکلده محصوللریگه بازار تاپه آلمهگنلری بیر حالده، مذکور کیشی صادراتی و کمیاب تورلرینی تنلش بیلن، پروان ایکینچیلیگیده ینگی یولنی آچیش اوچون سعیوحرکت قیلماقده.
او، ساووقخانه یوقلیگینی افغانستان ده ایکینچیلیک رواجلنیشی برابریده بیر توسیقلیک عنوان قیلهدی. اونگه کوره، باغدارلر برچه محصوللرینی ییغگنلری پیتده، محصوللریدن بیر قطارینی آز قیمتگه ساتهدیلر و بیر قطاری ایسه خراب بولیب یا-ده ارزشینی قولدن بیرهدی که ساووقخانه بو ایش آلدینینی آلالهدی.
بیزلرنینگ «ایکس» ترماغی ده هم تعقیب قیلینگ!
میرحمزهنینگ کیچیک باغی، حاضر بیر باغ ایمس، بلکیم باشقه دهقانلرگه هم بیر الگو بوله آلهدی که بو باغده اوچ قارهدن تورلیخیل نرسه ییتیشتیریلهدی. مذکور باغدار اراده، بیلیم و بیراز جسارت بیلن، حتا قوروق توپراق و اقلیم چیکلاولری، محلی دهقانچیلیکده اینگ بویوک اوزگریش اوچون سکرهش میدانیگه ایلنیشی ممکن.
