اسلام امیرلیگی تشقی ایشلر، ایچکی ایشلر، صناعت و سودا همده کانلر و پترولیم وزیرلیک‌لری‌نینگ رسمی‌لری، بلاروس ایچکی ایشلر، تشقی ایشلر، صناعت وزیرلیک‌لری‌نینگ بیرینچی اورین باسرلری و بو مملکت‌نینگ سرمایه یاتقیزووچیلریدن بیرقطاری، کابل گه قیلگن سفرلری دایره‌سیده بو وزیرلیک‌لرنینگ رسمی‌لری بیلن اوچره‌شگنینی اېتگنلر.
مملکت تشقی ایشلر وزیرلیگی بیر بیانیه ترقه‌تیب، بو وزیرلیک‌نینگ سیاسی معینی شیرمحمد عباس استانکزی، بلاروس تشقی ایشلر وزیرلیگینینگ بیرینچی اورین باسری لوکا شویچ بیلن اوچره‌شووده، بو مملکت هیئتی‌نینگ کابل گه سفرینی ایکّی مملکت اورته‌سیده‌گی مناسبت مستحکم‌لنیشی و اوزاق مدت همکارلیک اوچون مهم اۉزگریش عنوان قیلگنینی اېتگن.
تشقی ایشلر وزیرلیگی سۉزلاوچیسی‌نینگ اورین باسری ضیااحمد تکل گه کوره، بو اوچره‌شووده لوکا شویچ تورلی ساحه‌لرده مملکتی‌نینگ اسلام امیرلیگی بیلن همکارلیک قیلیش اوچون قیزیقیشینی معلوم قیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «استانکزی جنابلری بلاروس همکسبی‌نینگ کابل گه قیلگن سفرینی افغانستان و بلاروس اورته‌سیده‌گی مناسبت مستحکم‌لنیشی و اوزاق مدت همکارلیک اوچون مهم اۉزگریش اته‌گن.»
باشقه تاماندن، صناعت و سودا همده کانلر و پترولیم وزیرلیک‌لری مسئوللری‌نینگ ایتیشلریچه، بلاروس هیئتی بو وزیرلیک‌لرنینگ رسمی‌لری بیلن اوچره‌شووده، ایکّی مملکت اورته‌سیده آلیش-بیریش حجمی آشیریلیشی و افغانستان کانلری بولیمیده سرمایه یاتقیزیش گه قیزیقیش‌لرینی اېتگنلر.
بیزلرنینگ «ایکس» ترماغی ده هم تعقیب قیلینگ!
صناعت و سودا وزیرلیگی سۉزلاوچیسی آخوندزاده عبدالسلام جواد گه کوره: «بلاروس جمهوریتی‌نینگ صناعت وزیرلیگی معینی ایکّی مملکت اورته‌سیده اقتصادی مناسبت کېنگه‌یشی گه تأکید اېتیب و افغانستان بیلن سودا آلیش-بیریش حجمی آشیریلیشینی سوره‌دی، بو اوچره‌شووده اوشبو وزیرلیک‌نینگ سرپرستی سودا بیلانسی برابرلیگی گه تأکید اېتدی؛ شونینگدیک قۉشمه کورگزمه‌لر، افغانستان و بلاروس دولت هیئت‌لری و خصوصی سکتوری اورته‌سیده سودا کنفرانسی و سودا ییغیلیش‌لری اۉتکزیلیشی گه کیلیشدیلر.»
شونینگدیک، کانلر و پترولیم وزیرلیگی سۉزلاوچیسی همایون افغان‌نینگ ایتیشیچه: «بو اوچره‌شووده، پلان و پالیسی معینی ایتدی که افغانستان‌ده سرمایه یاتقیزیش امکانیت‌لری و تشقی سرمایه یاتقیزووچیلر اوچون قولی‌لیک امکانیتی یره‌تیلگن و بو مملکت‌نینگ کانلری اوستیگه سرمایه یاتقیزیش‌لری ممکن. مذکور مملکت‌نینگ سرمایه یاتقیزووچیلری تالک، مرمر، تاش کومیر و گرانیت کانلری اوستیگه سرمایه یاتقیزیش گه علاقه کورسه‌تیب و اسلام امیرلیگی بیلن قۉشمه همکارلیک قیلیش اوچون مایللیک کورستدیلر.»
اقتصادی بیلرمانلر، مملکتلرنینگ افغانستان بیلن سودا و اقتصادی مناسبت‌لرینی کېنگه‌یتیریش اوچون سعی-حرکتلرینی، کیلیشوولر عملگه آشیریلیشی گه باغلیق بیله‌دیلر.
بلاروس ایچکی ایشلر وزیرلیگینینگ بیرینچی اورین باسری، اسلام امیرلیگی ایچکی ایشلر وزیرلیگینینگ تامینات بولیمی معینی عبدالله مختار بیلن اوچره‌شیب، امنیت و بنگی‌وار ماده‌لر گه قرشی کوره‌ش مسئله‌لری حقیده بحث اېتگنلر.
