اسلام امیرلیگی، ایران چېگره‌چیلری تامانیدن افغانستان‌لیک قاچقینلر آتیب اولدیریلیشی حقیده ترقه‌لگن گزارش‌لرنی تېکشیریش اوچون بیر هیئت تعیینله‌گنیدن خبر بیره‌دی.
ایچکی ایشلر وزیرلیگی نینگ خوفسیزلیک ایشلری بوییچه اورین باسری محمدابراهیم صدر باشچیلیگیده بولگن اوشبو هیئت اعضالرینی مدافعه، ایچکی ایشلر، چیگره، قوم و قبیله‌لر وزیرلیکلری همده استخبارات عمومی ریاستی وکیللری تشکیل بیره‌دی.
اسلام امیرلیگی، مذکور واقعه انیقلنگنیدن سۉنگ، قرار آلیشینی معلوم قیلگن.
اسلام امیرلیگی سۉزلاوچیسی نینگ اورین باسری حمدالله فطرت گه کوره: «بو هیئت گه وظیفه تاپشیریلگن واقعه گه دایر تحقیقات قیلیب و باش وزیرلیک مقامی بیلن شریک قیلیشی اېتیلگن، بو هیئت اۉتگن کوندن بیری ایشینی باشله‌گن و تیزلیک بیلن واقعه نی انیقلب و اولکه یشاوچیلری بیلن شریک قیلیش اوچون سعی-حرکت قیلماقده.»
بیزلرنینگ فیسبوک صحیفه‌میزگه باش اورینگ!
ایران رسمی‌لری حاضرگه قدر، اوشبو مملکت نینگ چېگره‌چیلری افغانستان‌لیک قاچقینلر نینگ آتیب اولدیریشینی رد اېتگنلر.
ایران نینگ افغانستان ایشلری بوییچه مخصوص وکیلی حسن کاظمی قمی و ایران چېگره‌چیلر قوماندانی رضا شجاعی، ایران چېگره‌چیلری تامانیدن افغانستان‌لیک قاچقینلر آتیب اولدیریش گه دایر گزارش‌لرنی رد اېتگنلر.
ایش بیلرمان‌لر، اوتمیشده ایران ده افغانستان‌لیک قاچقینلر گه بولگن زوره‌وانلیکلر گه اشاره قیلیب، ایران خلق‌ارا قاعده‌لر اساسیده بوتوغریده جواب‌گر بولیشی کېره‌ک دیېدیلر.
خلق‌ارا حقوق بیلرمان‌لریدن عبدالشکور دادرس نینگ ایتیشیچه: «دلیللرینگیز بولسه محکمه واقعه گه دایر قرار آله‌دی، افسوس بیلن محکمه نینگ بویروغ‌سیزلیگی بیلن صحرایی محکمه قیلگنلر، شونی اوچون جنایت خلق‌ارا قاعده‌لر اساسیده هېچ قنده‌ی دفاعی عنصری یوق.»
بیزلرنینگ «ایکس» ترماغی ده هم تعقیب قیلینگ!
افغانستانده اقتصادی معمالر و ایش‌سیزلیک باعث، بو مملکت یشاوچیلری چیت ایل اینیقسه ایران گه باریب ایشلش گه مجبور بولگنلر.
بو قاچقینلر، ایران گه یېتمسدن آلدین یولگه یره‌دار بولیش و اولیم خوفی بیلن دوچ بولسه‌لرده، بیراق شو بیلن هم ناقانونی مهاجرت یولینی تنله‌یدیلر.
حاضر هرات ده ایران گه مهاجرت قیلیش قصدی بولگن افغانستان‌لیک عبدالقادر و آرین سلام‌وطندار بیلن اۉتکزگن صحبت‌لریده، ایش‌سیزلیک و اقتصادی قیینچیلیک باعث بو یولنی تنله‌گنلرینی اېته‌دیلر.
عبدالقادر گه کوره: «یخشی تیریکچیلیگی‌میز بولیشی اوچون، حیاتیمده اۉزگریش کېلیشی درکار و بیر مقدار پول تاپیش اوچون مهاجرت یولینی تنله‌دیم.»
شونینگدیک آرین نینگ کوپه‌یتیریشیچه: «ایش‌سیز طفیلی مهاجرت قیلیش گه قصد قیلدیم، ایران یا که پاکستان گه باره‌من، ایش تاپه دیگن جای گه باره‌من.»
ایران چېگره‌چیلری تامانیدن افغانستان‌لیک قاچقینلر آتیب اولدیریلیشی گه دایر ترقه‌لگن گزارشلر، افغانستان و دنیا سیاسی سیمالری نینگ مناسبتی بیلن روپره‌ره بولگن.
اوشبو کیشی‌لر ارا، بیرلشگن ملتلر تشکیلاتی نینگ افغانستان انسان حقلری ایشلری بوییچه مخصوص گزارشگری ریچارد بنت، بو واقعه تینیق شکلده تېکشیریلیشی اوستیگه تأکید اېتگن.
