کابل پولیس قومندانلیگی نینگ اعلان قیلیشیچه، بغلان مدنی فعال‌لریدن بولمیش عابد جاهد اوتگن “پنجشنبه” کونی شام چاغیده، کابل شهری نینگ ۱۷- ناحیه‌سیده ناتانیش قوراللی کیشی‌لر تامانیدن اولدیریلگن.
کابل پولیس قومندانلیگی سوزلاوچیسی فردوس فرامرز نینگ ایتیشیچه، جناب جاهد ناتانیش قوراللی کیشی‌لر تامانیدن کابل شهری نینگ «بوستان کابل» جاده‌سیده اولدیریلگن. اونینگ ایتیشیچه، بو واقعه عامل‌لرینی قولگه آلیش اوچون سعی و حرکت‌لر باشلنگن.
عابد جاهد، افغانستان بوییچه سنی مذهب هزاره‌لر کینگشی نینگ رهبرلیک عضوی و بغلان مدنی فعال‌لریدن ایکن.
افغانستان اسلامی وحدت حزبی رهبری محمدمحقق نینگ ایتیشیچه، جناب جاهد اوشبو حزب اعضالریدن ایکن.
بو واقعه مسوولیتی‌نی حاضرگه‌قدر هیچ‌بیر کیشی یا-ده گروهی بوینیگه آلمه‌گن.
