غزنی محلی منبع‌لری نینگ ایتیش‌لریچه، پارتلش ماده یوکلنگن بیر هاموی تانک نینگ کابل-هرات قتناو یولیده پارتله‌گنی نتیجه‌سیده، بیر تینچ اهالی هلاک و باشقه ۷ حربی یره‌لنگن.
غزنی حاکمی سوزلاوچیسی وحیدالله جمعه‌زاده نینگ ایتیشیچه، بوگون “جمعه” ایرته‌لب ساعت ۳ ده طالبان تامانیدن پارتلش ماده یوکلنگن بیر هاموی تانک اوشبو ولایت نینگ اندر تومنیده پارتله‌تیلگن.
غزنی حاکمی سوزلاوچیسی‌گه کوره، پارتلش ماده یوکلنگن اوشبو هاموی تانک امنیتی کوچلر قرارگاهی نی هجوم آستیگه قرار بیریش‌نی ایسته‌گن، بیراق مقصد ده ییریشمسدن آلدین امنیتی کوچلر تامانیدن پارتله‌تیلگن.
جناب جمعه زاده نینگ کوپه‌یتیریشیچه، بو واقعه‌ده یولدن اوته‌دیگن یوک تاشیووچی بیر موترنینگ هیداووچی‌سی هلاک و ملی اردو کوچلریدن ۷ ته‌سی یره‌لنگن.
غزنی حاکمی سوزلاوچیسی نینگ ایتیشیچه، پارتلشدن سونگ، امنیتی کوچلر و طالبان آره‌سیده آتیشمه یوز بیرگن و هوایی کوچلر حمایتی آرقه‌لی طالبان هجومی کیین‌گه اوریلگن.
شونینگدیک، ملی مدافعه وزیرلیگی نینگ اعلان قیلیشیچه، هوایی هجوم نتیجه‌سیده، طالبان جنگریلریدن ۸ ته‌سی هلاک و باشقه بیرتهسی یره‌لنگن.
طالبان گروهی حاضرگه‌قدر بوتوغریده فکر بیلدیرمه‌گن.