نیمروز معارف باشلیغی گلاحمد حقانینینگ ایتیشیچه، اوشبو ولایت زرنج شهریده بیر سوداگرنینگ مالی حمایتی بیلن باشلنغیچ بیر مکتب قوریلگن.
جناب حقانیگه کوره، بو مکتب زرنج شهرینینگ «شریفآباد» منطقهسیده قوریلیب و اوتگن کون (۱۲-سنبله، چهارشنبه)، فایدهلنیشگه تاپشیریلگن.
نیمروز معارف باشلیغینینگ کوپهیتیریشیچه، اوشبو مکتب بیر مینگ ۵۰۰ مترمربع ییرلرده، ایکی میلیون افغانی عوضیگه قوریلگن.
بیزلرنینگ فیسبوک صحیفهمیزگه باش اورینگ!
گلاحمد حقانینینگ ایتیشیچه مذکور مکتبنینگ قوریلیشی بیلن ۸۹۴ اوقووچیگه کیفیتلی و ستندرد تعلیم آلیش زمینهسی یرهتیلگن.
افغانستاننینگ بیر قطار ولایتلر واوزاق قیشلاقلردهگی یشاوچیلر، مکتب بناسی و تعلیمی جهازلر کملیگی بیلن روپهرهلر.
شونینگدیک بوندن آلدین هم، تورلی ولایتلر یشاوچیلری مسئوللر بیلن مکتبلرنینگ قوریلیشی، قیته قوریلیشی و جهازلنیشی بولیمیده همکارلیک قیلگنلر.
