اسلام امیرلیگی سوزلاوچیسی ذبیح‌الله مجاهد، ینگی‌لیکده اسلام امیرلیگی رهبری حد و قصاص عملگه آشیریلیش بویروغینی بیرگنیدن خبر بیرگن.
جناب مجاهد نینگ اوتگن کیچه ده‌گی توییتی اساسیده، قاضی‌لر بیلن اوچره‌شگن اسلام امیرلیگی رهبری هبت‌الله آخوندزاده، اوغری‌لر، آدم اوغری‌لر و بوزغینچیلر نینگ دوسیه‌لری انیق تیکشیریلیب، حد و قصاص عملگه آشیریلیش بویروغینی بیرگن.
اسلام امیرلیگی رهبری نینگ اوشبو بویروغیدن کیین، عالی محکمه حد و قصاص تطبیق ایتیلیشیدن ایشانچ بیلدیرگن.
عالی محکمه اداره‌سی اطلاعات مسئولی عبدالرحیم راشد نینگ سلام‌وطندار گه ایتیشیچه، اولکه بویلب قاضی‌لر بوندن کیین، مجرم اوستیگه حد و قصاص نی تطبیق ایتیشگه مکلف دیر.
بیزلرنینگ فیسبوک صحیفه‌میزگه باش اورینگ!
عالی محکمه اداره‌سی اطلاعات مسئولی، حد و قصاص تطبیق بوله‌دیگن بیر قطار دوسیه‌لر تیکشیریله یاتگنیدن خبر بیره‌دی.
اونگه کوره، حد تطبیق ایتیلگن تقدیرده مملکت بویلب جنایی جرم‌لر کمیه‌دی.
عبدالرحیم راشد نینگ ایتیشیچه: «بعضی دوسیه‌لر تیکشیریلماقده و عالی محکمه اجراآت قیله‌دی. حاضرگچه برچه دوسیه‌لر تیکشیریلگنی یوق، اولر نینگ تیکشیریلیش جریانی یکونیدن کیین حد تطبیق ایتیله‌دی. اسلام امیرلیگی مسئوللری اسلام و شریعت قانون-قاعده‌لری اساسیده عمل قیلیشه‌دی، باشقه موردلر گه دقت قیلمه‌یدیلر.»
حقوقی ایش بیلرمان آرش شهیرپور نینگ ایتیشیچه، اسلامی مملکت‌لرده حد و قصاص و تعزیری جرم‌لر «متنی و حد» قاعده‌لری اساسیده تطبیق ایتیله‌دی، او هر بیری عادلانه شکلده عملگه آشیریلیشی اوستیگه تأکید ایته‌دی.
شونینگدیک حقوق‌دان سبحان مصباح گه کوره: «افغانستان ده شریعت اساسیده قانون عملی بوله‌دی؛ افغانستان اهالیسی مسلمان دیر و بوتوغریده هیچ قیینچیلیکلری یوق، بیراق حاضر حد عملی بولیشی و محکمه‌لر نینگ عادلانه و قانونی‌لیگی قیین کوریله‌دی؛ شونی اوچون قاضی‌لر دقتلی بولیش‌لری لازم.»
بیزلرنینگ توییترده هم تعقیب قیلینگ!
ایتیش کیره‌ک که، اجتماعی قیینچیلیک و قشاق‌لیک باعث، مملکتده اوغیرچیلیک مثل‌سیز درجه ده کوپه‌یگن و شونینگدیک اسلام امیرلیگی حاکمیتیده، بیرقطار آدم اوغیرچیلیک موردلرده اوشبو حکومت اعضالری نینگ قولی بارلیگی ایتیلگن.
اسلام امیرلیگی، اوغری‌لر و آدم اوغری‌لر نینگ دوسیه‌لری تیکشیریلیشی گه قوشیمچه، بوزغینچیلر نینگ دوسیه‌لری تیکشیریلیشی اوستیگه تأکید ایتگن، بیراق مذکور بویروغ ده، بوزغینچیلردن مقصد کیم‌ایکنلیگی انیقلنمه‌گن.