اسلام امیرلیگی تشقی ایشلر وزیرلیگی سرپرستی امیرخان متقی آسیا بوییچه خلق‌ارا قیزیل آی و قیزیل خاچ جمعیت‌لری فدراسیون باشلیغی الکساندر ماتیو بیلن اوچره‌شووده، اوشبو نهاددن افغانستان‌نینگ اوزاق منطقه‌لریده‌گی ساغلیق مرکزلر گه یاردملری دوام تاپیشینی سوره‌گن.
اسلام امیرلیگی تشقی ایشلر وزیرلیگی سرپرستی امیرخان متقی، اوشبو فدراسیون باشلیغی‌دن افغانستان‌نینگ اوزاق منطقه‌لریده طبی خذمت کورسه‌تیش اوچون علیحده اعتبار قره‌تیشینی اېسته‌گن.
تشقی ایشلر وزیرلیگی سۉزلاوچیسی‌نینگ اورین باسری ضیااحمد تکل گه کوره: «مملکت تشقی ایشلر وزیری خلق‌ارا IFRC کمیته باشلیغی‌دن اوزاق منطقه‌لرده ساغلیق مرکزلر و طبیعی آفت‌لردن جبرلنگنلر گه یاردملری دوام تاپیشینی سوره‌دی.»
بیزلرنینگ فیسبوک صحیفه‌میزگه باش اورینگ!
قطار ولایت‌لرنینگ یشاوچیلریدن بعضی‌لری، منطقه‌لریده اینیقسه قیش‌ده یوللر توسیلیشی پیتیده طبی امکانیت‌لردن فایده‌لنه آلمسلیگیدن نالیب ایتیشلریچه، یوللر توسیلگن پتیده کوپینچه کسللری اۉز جانلرینی قولدن بیره‌دیلر.
بدخشان‌لیک عبدالحق‌نینگ ایتیشیچه، تومنلریده ساغلیق امکانیت یوق‌لیگی اوچون انده-سنده کسللرینی بو ولایت مرکزی فیض‌آباد شهری گه آلیب باریش گه مجبور بولگن. «بو تومنده کلینیک و شفاکار یوق‌لیگی طفیلی، انچه ییل‌دن بیری کسللرینی ولایت مرکزی یا-ده کابل گه آلیب باریش گه مجبور میز؛ انده-سنده کسلیمیز ساغلیق مرکزلر گه یېتمسدن آلدین جانینی قولدن بیرگن؛ قیش‌ده بو معما گه کوپراق اوچره‌یمیز.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، اسلام امیرلیگی باش وزیری‌نینگ اداری اورین باسری عبدالسلام حنفی، آسیا بوییچه خلق‌ارا قیزیل آی و قیزیل خاچ فدراسیون باشلیغی الکساندر ماتیو بیلن اوچره‌شووده، بو نهاددن طبیعی آفت‌لر طفیلی اوی-جای‌سیز بولگنلر گه یاردملری دوام تاپیشینی اېسته‌گن.
طبیعی آفت‌لر طفیلی جبر کورگنلر و مملکت گه قیتگن قاقچینلر، کونده‌لیک قیینچیلیک‌لری و اولر بیلن همکارلیک بولمه‌یاتگنیدن شکایت قیلگن بیرحالده، حنفی جنابلری مذکور نهاددن یاردملری گه دوام بیریشینی اېسته‌گن.
سوو تاشقینلری باعث جبر کورگن علی گه کوره: «کوکلم فصلی‌ده ایکین و محصولاتی‌میز یوق بولدی شونی اوچون شهر گه کېلدیک احوالی‌میز یخشی بولیش اوچون، کورسه‌تیلگن یاردملر یېترلی اېمس؛ آزیق-آوقتی‌میز صفر بولگن و یاقیلغی ماده‌میز یوق.»
آسیا بوییچه خلق‌ارا قیزیل آی و قیزیل خاچ فدراسیون باشلیغی الکساندر ماتیو، اسلام امیرلیگی رسمی‌لری بیلن اوچره‌شووده افغانستان‌نینگ تورلی ولایت‌لریده طبیعی آفت‌لردن جبر کورگنلر، کمبغل عایله‌لر گه ایش امکانیتینی یره‌تیش، قشاق کیشیلرنی واکسین قیلیش و توغمه یوره‌ک کسلی گه چلینگن باله‌لرنی عملیات قیلیش کبی یاردم کورسه‌تگن و بو یاردملری همان دوام تاپماقده‌لیگیدن ایشانچ بیرگن.
