کابل یشاوچیلریدن قطاری برق پرچاویلری کوپهیگنیدن شکایت قیلگنلر. کابل نینگ شکردره تومنی یشاوچیلریدن محمدضیا نینگ ایتیشیچه، سونگی کونلر بیر کیچه و کوندوز ده یالغیز ۱۲ ساعت برق‌دن فایده‌لنه آله‌دیلر.
اونینگ کوپه‌یتیریشیچه: «برق گه کوپ نیازیمیز بار، ایسیتغیچ، آب گرمی و برق آرقه‌لی فعال بوله‌دیگن باشقه اوسکونه‌لر بیزلر گه آسایشته‌لیک یره‌ته‌دی. برق بولمه‌گنی صورت‌ده، قیین‌چیلیکلریمیز کوپه‌یه‌دی و بیر کیچه و کوندوز ده ۱۲ ساعت برقیمیز بار.»
بیزلرنینگ «ایکس» ترماغی ده هم تعقیب قیلینگ!
شونینگدیک کابل نینگ ۱۲-ناحیه یشاوچیسی بولمیش توریالی، برق پرچاویلریدن شکایت قیلیب و ایتیشیچه: «ساووق نینگ باشلنیشی بیلن اوی نینگ ایسیتیش اوچون کوپراق برق‌دن قوللنه‌میز. حاضر برق درست بیر شکلده ترقه‌تیلمه‌یدی. آلتی ساعت بار و ۲ ساعت یوق و تورت ساعت بار و ایکی ساعت یوق. شو رقم ۱۰-۱۲ ساعت برق بار و باشقه برق کیته‌دی.»
شونده‌ی بیرحالده، پایتخت یشاوچیلردن قطاری افغانستان برق ییتکزیش شرکتی (برشنا) دن برق پرچاویلری نینگ کمه‌یتیریلیشینی ایسته‌گن.
کابل شهری آلتینچی ناحیه یشاوچیسی سجاد علی نینگ نینگ ایتیشیچه: «قیش موسومی ییتیب کیلیشی بیلن برق پرچاویلری کوپه‌یه‌دی و برق پرچاوی‌لر آلدی آلینیشی اوچون بو توغریده ییچیم یوللر نینگ نظر گه آلینیشی کیره‌ک. مملکت ایچیده برق تولیدی امکانیتی نینگ کوپه‌یشی کیره‌ک، چونکه قوشنی ممکت‌لر گه نیاز تاپمه‌یلیک که ایسته‌گنلری پیتده برق بیریب و ایستمه‌گنلری پیتده برق نی کیسسه‌لر.»
شونده‌ی بیرحالده، افغانستان برق ییتکزیش شرکتی (برشنا) مسئوللری نینگ ایتیشلریچه، کابل ده وارداتی برق لین‌لری نینگ سقلنیشی کابل شهری‌ده برق پرچاویلری اساسی عامللریدن بیری دیر.
برشنا شرکتی سوزلاوچیسی حکمت‌الله میوندی نینگ ایتیشیچه، مملکت یشاوچیلری نیازی بولگن برق نینگ تامین‌لنیشی خصوصیده سعی‌وحرکت قیلماقده‌لر. «کابل شهری‌ده برق پرچاوی‌سی عامللریدن بیری لین‌لر نینگ سقلنیشی دیر و برشنا شرکتی نینگ تخنیکی تیم‌لری یشاوچیلر گه منظم برق نینگ تامین‌لش اوچون سعی‌وحرکت قیلماقده‌لر.»
بیزلرنینگ فیسبوک صحیفه‌میزگه باش اورینگ!
شونینگدیک جمهوریت توزومی‌ده برشنا شرکتی باشلیغی امان‌الله غالب نینگ ایتیشیچه، اوشبو شرکت برق پرچاوی ریجه‌سینی تیارلب و بو توغریده یشاوچیلر گه آگاهی‌لیک بیریشی کیره‌ک.
برشنا شرکتی نینگ معلوماتی اساسیده، حاضر ایسه کابل شهری نینگ ۶۸ فایز برقی بو شرکت آرقه‌لی تامین‌لنه‌دی و حاضرگچه بو شهر‌ده برق گه ۳۲ فایز نیازمند‌لیک بار.
